«Өзбекстан Республикасында хызмет көрсеткен дене тәрбия ҳәм спорт хызметкери» ҳүрметли атағы енгизилмекте

Дене тәрбия ҳәм спорт тараўында мәмлекет басқарыў системасын түп тийкарынан жетилистириў ис-иләжлары ҳаққындағы Президент пәрманы қабыл етилди. Бул ҳаққында Әдиллик министрлигиниң «Ҳуқықый мәлимлеме» каналында хабар берилди.

Пәрман менен:

- Дене тәрбия ҳәм спорт мәмлекетлик комитети ҳәм оның аймақлық бөлимлери негизинде Дене тәрбия ҳәм спорт министрлиги;

- Өзбекстан мәмлекетлик дене тәрбия институты негизинде Өзбекстан мәмлекетлик дене тәрбия ҳәм спорт университети шөлкемлестирилди.

- Дене тәрбия ҳәм спорт тараўы хызметкерлери ҳәмде шахсларды сыйлықлаў мақсетинде «Өзбекстан Республикасында хызмет көрсеткен дене тәрбия ҳәм спорт хызметкери» ҳүрметли атағы енгизилмекте.

Пәрман менен ғалабалық спортты раўажландырыў ҳәм қәбилетли жасларды сайлап алыў (селекция) тараўында билимлендириў мекемелериниң баслы бағдарлары етип белгилеп бериледи.

Пәрманда министрликтиң олимпия спорт түрлерин раўажландырыўға жуўапкер бөлимлери баслығына талабанлар Өзбекстан Миллий олимпия комитети баслығы менен мәжбүрий түрде келисиўи белгиленбекте.

Ендигиден былай, дене тәрбия ҳәм спорт шөлкемлери, сондай-ақ, билимлендириў мекемелери ҳәм спорт шөлкемлеринде мийнет етип атырған спорт ветеранларына искерликтиң басқа ҳақы төленетуғын түрлери менен шуғылланбаў шәрти менен пенсия толық муғдарда төленеди. 

Мәмлекетлик билимлендириў мекемелери дене тәрбия оқытыўшысы (инструкторы) лаўазымына тайынлаў ҳәм лаўазымынан азат етиў Министрлик пенен келискен ҳалда Қарақалпақстан Республикасы дене тәрбия ҳәм спорт министри, ўәлаятлар ҳәм Ташкент қала дене тәрбия ҳәм спорт басқармасы баслықлары тәрепинен әмелге асырылыўы белгилеп берилди.

скачать dle 10.6фильмы бесплатно



  • 6-03-2018, 16:34 |
  • 575