Самарқандқа Қазақстан арқалы өтиўши жол усы айдың соңында ашылыўы мүмкин

Самарқандқа Қазақстан арқалы өтиўши жол усы айдың соңында ашылыўы мүмкин

Өзбекистан ҳәм Қазақстан февраль айының соңына шекем өзбекистанлыларға Қазақстан аймағы арқалы Самарқандқа жолды анағурлым қысқартыўға мүмкиншилик бериўши М-39 жолын иске түсириў бойынша барлық процесслерди жуўмақламақшы. Бул ҳаққында "Sputnik Узбекистан" басылымының хабаршысына Қазақстанның Өзбекистандағы елшиси Ерик Утембаев мағлыўмат берген.
Елшиниң айтыўынша, тәреплер барлық керекли ишки процесслерди жуўмақлаған, өткериў постларын белгилеп алған. Бул постлар адамларға қолайлық жаратыў мақсетинде күн даўамында ислейди.
«Алдын постлар тек ғана күндизи ислеген, енди олардың екеўи күн бойы ислейди. Тийкарғысы, Өзбекистан пуқараларының Қазақстан шеграсынан өтиў механизми жеңиллестирилди. Мысалы, паспортқа штамп қойылмайды. Өзбекистанлыларға Қазақстан аймағында кирип атырғанда арнаўлы миграциялық карточканы толтырыў керек болады. Бул әпиўайы бланк болып, ол Қазақстаннан шығып атырғанда тапсырылады», - деп айтты Ерик Утембаев.
Миграция карточкасы жеке машиналар айдаўшыларына да, автобусларда кетип баратырған адамларға да усынылады. Өзбекистанлылардан шегарадан өтип атырғанында ҳеш қандай ҳақы алынбайды, яғный шегарадан өтиў толық бийпул болады.
«Биз ҳәрекетти февраль соңына шекем жолға қоямыз Қазақстан өз тәрепинен барлық процесслерди жуўмақлады, енди буны Өзбекистан ислеўин күтпектемиз ҳәм жол бойлап ҳәрекетти синхрон түрде ашамыз. Бул жақсы қәдем, себеби туристлик ағымын хошаметлейди», - деп атап өтти елши.
Мағлыўмат ушын, Қазақстанның Мақтаарал районы аймағы арқалы өтиўши жол 2006-жылы жабылған еди. Бул жол арқалы Ташкенттен Самарқандқа шекем болған жол 24 км ге дейин қысқарады, деп хабарлады kun.uz.

Фото: "Sputnik Узбекистан"
скачать dle 10.6фильмы бесплатно



  • 13-02-2017, 14:29 |
  • 307