Ишки ислер хызметшилерине напақа ҳәм пенсия төлеў тәртиби өзгерди

Ишки ислер органлары хызметкерлерине пенсия ҳәм напақа тайынлаў ҳәмде төлеў тәртиби ҳаққындағы қолланба Өзбекстан Республикасы Әдиллик министрлигинде мәмлекетлик дизимнен өткерилди. Бул ҳаққында министрликтиң Телеграм каналында хабар берилди.

Қолланбаға тийкар ишки ислер органлары хызметкерлери ямаса олардың шаңарақ ағзаларына пенсияның төмендеги түрлери тайынланады:

 - хызмет мүддетин өтегенлиги бойынша пенсиясы (оны алыў ҳуқықы бар болғанда);

 - майыплық пенсиясы;

 - бағыўшысынан айрылғанлық пенсиясы.

  Буннан тысқары ишки ислер органлары хызметкерлери ямаса олардың шаңарақ ағзаларына бир мәрте төленетуғын:

 - хызметтен пенсияға шығыў мүнәсибети менен босатылып атырылған хызметкерлерге төленетугын напақа;

 - ишки ислер органы пенсионери қайтыс болғанлығы мүнәсибети менен жерлеў мәресими ушын оның шаңарақ ағзаларына тайынланатуғын напақа да тайынланады.

Хызметтен пенсияға шығыў мүнәсибети менен босатылған хызметкерге пенсия тайынлаў ушын зәрүр болған ҳүжжетлер ишки ислер органларының кадрлар (бас) басқармалары тәрепинен қабыл етиледи.

скачать dle 10.6фильмы бесплатно



  • 5-03-2018, 15:19 |
  • 827