Хожели шегара бажыхана посты инспекторы мағлыўмат берди

Өзбекстан Республикасы Президентиниң 2018-жыл 6-февральдағы «Физикалық шахслар тәрепинен товарларды бажыхана шегарасы арқалы алып өтиўди тәртипке салыў ис-илажлары ҳаққында»ғы қарары физикалық шахслар тәрепинен бажыхана шегарасы арқалы товарларды алып өтиўди тәртипке салыў, бажыхана рәсмийлестириўинен өткериў шәраятларын жәҳән стандартларына муўапықлығын тәмийинлеў, сондай-ақ, бажыхана шегарасын кесип өтетуғын физикалық шахслар ушын және де қолай шәраятларды жаратыў мақсетинде қабылланды.

Бунда тийкарғы жаңалық қарар менен физикалық шахслар тәрепинен товарларды алып кириўдиң бажыхана төлемлери өндирилмейтуғын төмендеги шекленген нормалары тастыйықланды. Оған бола:

Өзбекстан Республикасының халықаралық аэропортлары арқалы бажыхана шегарасын кесип өткенде — 2000 (еки мың) АҚШ доллары муғдарында:

Өзбекстан Республикасы мәмлекетлик шегарасындағы темир жол ҳәм дәрьядан өткериў пунктлери арқалы бажыхана шегарасын кесип өткенде — 1000 (бир мың) АҚШ доллары муғдарында:

Өзбекстан Республикасы мәмлекетлик шегарасындағы автомобиль жолы  (пиядалар жолы) өткериў пунктлери арқалы бажыхана шегарасын кесип өткенде — 300 (үш жүз) АҚШ доллары муғдарында:

Халықаралық почта ҳәм курьерлик жөнелтпелери арқалы физикалық шахслар мәнзилине келип атырған товарлар ушын бир календарь ай даўамында — 1000 (бир мың) АҚШ доллары муғдарында белгиленди.

Тағы бир әҳмийетлиси физикалық шахслар тәрепинен товарларды алып кириўдиң бажыхана төлемлери өндирилмейтуғын шекленген нормалары муғдарында товарлар алып кирилгенинде оларды жазба түрде декларациялаў талап етилмейди.

Сондай-ақ, физикалық шахслар 3000 АҚШ долларына тең баҳадағы товарларды бажыхана декларациясын усынбастан алып шығыў мүмкиншилиги белгилеп берилди.

Соның менен бирге, айырым түрдеги товарлар ушын алып шығыўдың белгиленген нормалары тастыйықланды:

Атап айтқанда, гүриш — 3 килограммға, нан өнимлери — 5 килограммға, гөш ҳәм гөш өнимлери — 2 килограмм­ға, қумшекер — 2 килограммға, өсимлик майы — 2 килограммға, сондай-ақ, жаңадан үзилген мийўе-овощ өнимлери, жүзим, палыз, собықлы егинлер, қурғатылған овощ ҳәм мийўелер — 40 килограммға шекем.

Буннан тысқары, физикалық шахслар тәрепинен айырым түрдеги товарлардың бажыхана төлемлери өндирилмейтуғын алып кириў нормалары да белгиленди.

Алкоголь өнимлери, пиво — 2 литрға шекем, барлық түрдеги темеки өнимлери — 10 қутыға, әтир суўы — 3 данаға, қымбат баҳалы металл ҳәм  қымбат баҳалы таслардан жасалған зергерлик буйымлары — 65 граммға шекем.

Соны айрықша атап өтиў керек, усы товарларды алып кириў ўақтында оның баҳасы пуқаралардың халықаралық аэропортлар, темир жол, дәрьядан өткериў пунктлери яки автомобиль жолында жайласқан өткериў пунктлери арқалы ҳәрекетлениўине байланыслы болған усы қарарда белгиленген бажыхана төлемлери өндирилмейтуғын шекленген нормалары әтирапында әмелге асырылады.

 

О.САХАТОВ,

Хожели шегара бажыхана посты инспекторы, аға лейтенант.

 

Дерек: «Еркин Қарақалпақстан» газетасы

 

скачать dle 10.6фильмы бесплатно



  • 1-03-2018, 15:21 |
  • 563