БМШ миссиясы Қарақалпақстанға келеди

БМШ миссиясы Қарақалпақстанға келеди

Ташкентте «Аралбойы аймағы ушын инсан қәўипсизлиги бойынша көпшерикли фондын шөлкемлестириў арқалы Арал апатшылығынан зыян көрген халықтың турмыс шәраяты потенциалын беккемлеў» жаңа Қоспа Бағдарламасын иске түсириўге арналған рәсмий илаж болып өтти. Бул ҳаққында daryo.uz хабар бермекте.

Бул илажда қатнасыў ҳәм миллий шериклер менен ушырасыў ушын Инсан қәўиспизлиги бойынша бөлим баслығы Меҳрназ Муставафи ҳәм Инсан қәўипсизлиги бойынша мақсетли фонд (БМШИҚМФ) ўәкили Мартейн Далхаийженнен ибарат БМШ миссиясы Өзбекистанға келди.

Илаж даўамында Арал кризисиниң ақыбетлери, олардың шешимин табыўда Өзбекистан ҳүкимети БМШның Өзбекистандағы ўәкилханасы менен биргеликте әмелге асырып атырған илажлар ҳаққында презентациялар ҳәм баянатлар арқалы хабар берилди. Қатнасыўшылар 2012-2016-жыллары БМТИХМФ қаржысы есабынан Қарақалпақстанда әмелге асырылған биринши Қоспа Бағдарлама нәтийжелери менен таныстырылды.
Бирлескен миллетлер шөлкеминиң Өзбекистандағы агентликлери басламасы менен ислеп шығылған жаңа Бағдарлама БМТИХМФның қаржылай жәрдеми ҳәм оны әмелге асырыўда қатнасып атырған агентликлердиң ишки ресурслары есабына қаржыландырылады.
Бул Бағдарламада инсан қәўипсизлигин тәмийинлеўге, Арал кризиси ақыбетлериниң унамсыз тәсирине ушыраған аймақлар халқына итибар берилген. Бағдарламаның ең әҳмийетли ўазыйпаларынан бири турмыс жағдайы сапасын жақсылаў, халық ушын дәрамат алыў мүмкиншилигин кеңейтиў. Соны айрықша атап өтиў керек, БМШ бағдарламасында «Халық пенен пикирлесиў ҳәм инсан мәплери жылы» ҳүкимет бағдарламасындағы тийкарғы баслы бағдарлар, Аралбойы аймағын 2017-2021-жыллары раўажландырыў бойынша мәмлекет Бағдарламасындағы ўазыйпалар өз сәўлелениўин тапқан.
БМШ миссиясы Қарақалпақстанға келеди

Жаңа Бағдарламаның әҳмийетли мәқсетлеринен бири Аралбойы аймағында инсан қәўипсизлигин тәмийинлеў бойынша халық аралық көпшерикли фондын дүзиў есапланады. Дүзилип атырған фондтың жумысы биринши гезекте усы бағдардағы басламаларды ҳәм аймақ раўажланыўының бир пүтин Бағдарламасы формасында халық аралық шөлкемлер тәрепинен қаржыландырылатуғын финанслық қаржыларды муўапықластырыў ушын нәтийжели механизмин ислеп шығыўға бағдарланады.
Өзбекистанға келген БМШ миссиясы Қарақалпақстан Республикасына келип, презентациялар өткериў, Қоспа Бағдарламада нәзерде тутылған әҳмийетли илажлар өткерилетуғын мақсетли районлар менен танысыўды режелестирмекте. Инсан қәўипсизлиги Концепциясының мазмуны ҳаққындағы толық мағлыўматты қәнийгелер 16-февраль күни жергиликли мекемелер, министрликлер ҳәм халық аралық шөлкемлер ўәкиллери қатнасыўында Ташкентте өтетуғын семинарда усынады.

Фото: БМШның Өзбекистандағы ўәкилханасы
скачать dle 10.6фильмы бесплатно



  • 13-02-2017, 09:21 |
  • 728