Ташкентте автомобиллер жанылғысын 50 % ке тежеўши қурылма усынылды

  

Ташкентте автомобиллер жанылғысын 50 % ке тежеўши қурылма усынылды

 Фото: ЎзА

Ташкент қаласындағы Турин политехника университетинде автотранспорт қураллларында жанылғы муғдарын кемейтиў, ҳаўаға зәҳәрли газ шығарыў дәрежесин пәсейтиўге хызмет етиўши жаңа инновациялық қурылма көргизбеси болып өтти. Бул ҳаққында ЎзА хабар бермекте, деп жазады daryo.uz.

Малайзияның «Амиран» технологиялық компаниясы ислеп шығарған газгенератор қурылмасы автомобильге орнатылғаннан соң 50 % жанылғы тежелди. Өз-өзинен басып өтилетуғын аралық 50% ке узаяды.

Компания директоры орынбасары Аъзам Ал-Яҳёның айтыўынша, бул қурылма қурамының тийкарын суўды пайда етиўши кислород-водородлы жанылғы капсуласы бар. Ол суў электролизи технологиясына тийкарланған  кишкене аксессуарлардан ибарат. Газгенератор  қурылмасы атмосфераны патаслайтуғын затлар ҳәм зәҳәрли газ шығындыларын кемейтеди. Автотранспорттың тегис ҳәрекетлениўин тәмийинлейди.

Газгенератор қурылмасы двигатель температурасын пәсейттириўи нәтийжесинде машина майы көбирек мүддетке жетеди. Ол барлық түрдеги автотранспорт қураллары ушын мөлшерленген. Жеңил автомобиллер ушын GX-300 модели усынылды. Ҳәр 10 мың километрден соң қурылма ишиндеги суў алмастырылады. Орнатыў жүдә аңсат. Ол автомобиль жүкханасына ықшам тәризде орнатылады. 5 жылдан 10 жылға шекем кепиллиги бар. Көргизбеде Малайзияның инновациялық технологиялар ислеп шығарыў тәжирийбеси ҳәм жетискенликлери ҳаққында сөз етилди.

 

Аўдарма: makan.uz

 

скачать dle 10.6фильмы бесплатно



  • 28-02-2018, 16:15 |
  • 466