Мониторинг орайы агентлик қурамына өткериледи

Өзбекстан Республикасы Президенти Шавкат Мирзиёев 2018-жыл 19-февраль күни «Информация технологиялары ҳәм коммуникациялары тараўын еле де жетилистириў ис-илажлары ҳаққында»ғы пәрманын тастыйықлады. Пәрманда айтылыўынша, еки ҳәпте мүддетте «Ғалаба коммуникациялар тараўындағы мониторинг орайы» (ҒКТМО) мәмлекет мәкемеси Өзбекстан Баспасөз ҳәм мәлимлеме агентлиги қурамына бериледи. Бул ҳаққында uznews.uz хабар берди.

Еслетип өтемиз, ҒКТМО 2005-жылы өз жумысын баслаған болып, мәкеме тийкарынан Жәҳан ҳәм Өзбекстан ҒХҚларында берилетуғын информация, хабар, мағлыўматларды, сондай-ақ, олар арқалы тарқатылып атырған информацияның формасы, мазмуны ҳәм аудиториясын үйрениў менен шуғылланып келген.

ҒКТМО Реклама ҳәм информация нызамшылығы шеңберинде Мәмлекет Бәсекилик комитети, Байланыс, мәлимлемелестириў ҳәм телекоммуникация технологиялары тараўында қадағалаў бойынша мәмлекетлик инспекциясы сыяқлы мәмлекетлик мәкемелерге керекли тәртипте мағлыўмат киритип, нызамшылық бузылғанлығы ҳалаты бойынша жуўмақ бериў менен шуғылланып келген.

Өзбекстан Баспасөз ҳәм мәлимлеме агентлиги қурамына кириў процессинде ҒКТМО ҳәм оның искерлигинде қандай өзгерислер болыўы ҳәзирше мәлим емес, деп жазады дерек.

 

Аўдарма: makan.uz

скачать dle 10.6фильмы бесплатно



  • 20-02-2018, 14:31 |
  • 260