«Ўзбекистон ҳаво йўллари»на билетлерди арзанлатыўға рухсат берилди

«Ўзбекистон ҳаво йўллари» миллий авиакомпаниясы халық аралық рейслери ушын авиабилетлерди өзине түсер баҳасынан арзаныраққа сатыўға рухсат алды, деп хабар бермекте kun.uz.

Президент Өзбекистан Республикасы Финанс министрлигине март айы соңына шекем «Ўзбекистон ҳаво йўллари» МАК пенен биргеликте «Ўзбекистон ҳаво йўллари» МАКтиң салық салынатуғын базасын арзанластырылған баҳалар бойынша сатылған авиабилетлер суммасына кемейтиў механизмин енгизиў ўазыйпасын тапсырған.

Атап өтиў керек, бүгинги күни миллий авиакомпания зыянға ислемекте, ўәлаятлардағы аэропортлар бюджеттен қарыздар есапланады.

Жағдайды дурыслаў ушын Президент өткен жылы авиакомпанияны 2022-жылға шекем барлық түрдеги салықлардан азат еткен еди.

Январь айында Қазақстанның Ақтөбе ўәлаятында автобус жанып кетиўи нәтийжесинде өзбекистанлы 52 адам қурбан болғаннан кейин, жәмәәтшилик мигрантларлың қәўипли жөнелислерде шетке шығыўын миллий авиакомпанияларда билетлердиң жүдә қымбат екени менен байланыстырған еди.

Буннан кейин, Шавкат Мирзиёев асығыс жыйналыста миллий авиакомпания искерлиги бағдарында бир қанша сын пикирлерди билдирген, атап айтқанда авиакомпания базар шәраятында ислемей атырғаны ҳәм билетлер баҳасы жүдә қымбат екенине итибар қаратқан еди.

Сондай-ақ, авиакомнаия баслығы Улуғбек Рўзиқулов жумыстан алынған еди, деп жазады kun.uz.

 

Аўдарма: makan.uz

скачать dle 10.6фильмы бесплатно



  • 7-02-2018, 11:32 |
  • 408