Фермерлерде болыўы керек: 5 қутыдан пал ҳәрре, қусшылық ушын 50 бас таўық, шарўашылық ушын 1 бас қара мал 

Қанлыкөл районы дийхан фермер хожалықлары басшыларына көргизбели семинар өткерилди. Бул ҳаққында район ҳәкимлиги хабар бермекте.

Семинар даўамында, район аймағындағы пахта ҳәм ғәлле, мийўе ҳәм палызға қәнигелестирилген фермер хожалықларындағы егин майданларынан тысқары, қосымша участкаларынан дурыс пайдаланыў барысында, кем қәрежетли ыссыханалар қурыў, мийўе палыз өнимлерин жетистириўде ыссыханаларда ашшы бурыш, укроп, бурыш, пияз, помидор, баклажан, қыярды тухымнан егип, атызға егис ўақтына нәл таярлаў бойынша көргизбелерде көрсетилди.

Сондай-ақ, дийхан фермерлерге көп тармақлы фермер хожалығына айландырыў мақсетинде, атыз басына дала шертегин қурыў, пал ҳәррешилик ушын 5 қутыдан пал ҳәрре, қусшылық ушын 50 бас таўық, шарўашылық ушын 1 бас қара мал  алып бағыў бойынша фермерлерге усыныслар берилди.

Мағлыўмат ушын, Президент Шавкат Мирзиёев 2017-жыл соңында Қарақалпақстанға келгенинде Жоқарғы Кеңесте өткерген ушырасыўында республиканың ҳәр бир районындағы тийисли төрт басшыға 250 мың АҚШ долларынан инвестиция киритиўге таяр инвесторларды табыў ўазыйпасы жүкледи. Сондай-ақ, ҳәр бир районда бир миллион долларлық инвестиция киритилиўи кереклигин белгилеп қойды.

Буннан тысқары, ҳәр бир фермерге 50 таўық, бир саўын сыйыр, 4 қуты пал ҳәрре, лимон жетистириў бойынша мәжбүрият жүклеген еди.

скачать dle 10.6фильмы бесплатно



  • 6-02-2018, 15:20 |
  • 369