Неъматулла Маткаримович инновация ҳәм заман талабын түсинген ҳәким

Неъматулла Маткаримович инновация ҳәм заман талабын түсинген ҳәким

Неъматулла Маткаримович Худайбергеновти көпшилик Елликқала районы ҳәкими (1998-2017-жылларда) болып ислеген ўақытларынан берли, тепериш, талапшаң ҳәм заман ағысын аңлап билетуғын саўатлы басшы сыпатында таныйды. Биз булай деп Неъматулла Маткаримовичти аса мақтаў нийетинен аўлақпыз. Жеке өзим ол инсанды бир рет те көрмегенмен. Ҳәр бир инсанның ислеген жақсы, қайырлы ислери оны көпшиликке таныстырып жүргениндей, журналистика тараўында ислеп жүрип бул инсанның белсенди ҳәким екенин талай еситкенимиз бар. Өзбекистан Республикасы Президенти Шавкат Мирзиёевтиң өткен жыл соңында Қарақалпақстанға келгенинде Неъматулла Маткаримович Төрткүл районына ҳәким етип тайынланды. Бул да оған болған исеним нәтийжеси болса тәәжип емес. Журналист сыпатында байқап отырған биринши өзгерисимиз Н. Худайбергенов Төрткүл районы ҳәкиминиң turtkulhokim.uz сайтын қайта қолға алғаны болып отыр.

Неъматулла Маткаримович инновация ҳәм заман талабын түсинген ҳәким

 

Неъматулла Маткаримович инновация ҳәм заман талабын түсинген ҳәким

 

Бул сайтты Төрткүл районының алдыңғы ҳәкими Ғофуржон Хаджиев жолға қойдырған еди. Деген менен сайт тек ғана бар еди... Бүгин, яғный 11-январь күни Төрткүл районы ҳәкиминиң рәсмий сайты еки күнлик жаңаланыў процессинен соң қайта иске түсти. Сайт алдыңғысынан көре жаңаланған ҳәм жаңа қосымшалар менен бирге иске түсти. Булар ҳәкимниң виртуал қабыллаўханасы, екиншиси рәсмий сайттың «Телеграм» социаллық тармақтағы каналы.

Неъматулла Маткаримович инновация ҳәм заман талабын түсинген ҳәким

 

Былайынша қарағанда булар әпиўайы қосымшалардай болып көринип, сол да жаңалық па? деўиңиз мүмкин. Бундай өзгеристи ислеген ҳәкимди айтың! Ҳәкимият ҳәм ҳәкимниң сайты ҳәзирги информациялық топылыслар қәўип салып турған бир ўақытта халқымызды дурыс, керекли ҳәм ең баслысы исенимли информация менен тәмийинлеўде ең әҳмийетли дерек екенин есапқа алсақ, бул әпиўайы ис емес, ал узақты көре билген, Президентимиздиң сиясатын түсинген, заманның ҳәзирги талабын аңлап жеткен инсан тәрепинен исленген жумыс екенин билдиреди. Ҳәзирги ўақытта заман менен тең қәдем атып атырған басқа район ҳәкимлери де бар (оларды да рети келгенде әлбетте, шәртли түрде айтамыз!).

Егер есиңизде болса биз, район ҳәкимиятларының сайты искерлиги бойынша рейтинг жәриялап баратуғын едик. Бул дәстүрди умытпадық. Усы жылдың биринши айы жуўмағы бойынша ҳәкимият сайтларының ҳәм оларды жүргизиў бойынша район ҳәкимлериниң итибарлылық рейтингин таярлаўды режелестиргенбиз. Ал ҳәзир болса, Неъматулла Маткаримовичтиң жаңа басламасының оғада дурыс екенлигин жәриялап, журналист сыпатында оған миннетдаршылық билдиремиз ҳәм «айырым» район ҳәкимлерине ҳәкимият сайтын жүргизиўде оннан өрнек алыўды усыныс етемиз.

 

Лола Қаллыханова,

журналист

скачать dle 10.6фильмы бесплатно



  • 11-01-2018, 17:13 |
  • 475