Аралбойы халқына темир жол билетлери ушын шегирмелер

Аралбойы халқына темир жол билетлери ушын шегирмелер

Өзбекистан Республикасы Президентиниң 18-январьда қабыл еткен «2017-2021-жыллары Аралбойы аймағын раўажландырыў Мәмлекетлик бағдарламасы ҳаққында»ғы қарарына муўапық «Ўзбекистон темир йўллари» АЖ «Қоңырат-Ташкент-Қоңырат», «Үргениш-Ташкент-Үргениш» ҳәм «Шабат-Ташкент-Шабат» жөнелислериндеги поездларда қатнаўшы төмендеги тайпадағы жолаўшыларға белгиленген тарифлерге 50% шегирме енгизди.
• Пенсионерлерге (сол қатары 1941-1945-жыллардағы урыс қатнасыўшылары ҳәм нәгиранлары ҳәмде оларға теңлестирилген шахслар, Чернобль АЭСдағы авария акыбетлерин сапластырыўда қатнасқанлар);
• Нәгаранлар (биринши, екинши ҳәм үшинши топар), нәгиранлық топары көрсетилген медициналық-мийнет эксперт комиссиясының тексериў акти көширмеси ямаса гүўалық болған жағдайда ҳәм де нәгиранды алып жүриўши шахсқа;
• 16 жасқа шекем болған балалығынан нәгиранларға, нәгиранлық топары көрсетилген медициналық-мийнет эксперт комиссиясының тексериў акты көширмеси ямаса гүўалық болған жағдайда ҳәмде нәгиранды алып жүриўши шахсқа;
• Окыўға кетип баратырған студентлерге, жоқары оқыў орынларына мирәтнама ямаса Жоқары окыў орынларына (ЖОО) жолламба, ямаса студентлик гүўалығы ҳәм ЖООдан мағлыўматнамасы болған жағдайда;
• пуқаралардың өзин-өзи басқарыў органлары арқалы материаллық жәрдем тайынланған кем тәмийинленген шаңарақлар ағзалары, пуқаралардың өзин-өзи басқарыў органы тәрепинен материаллық жәрдем төленип атырған дәўир ушын мағлыўматнамасы болған жағдайда.

Соның менен бирге, әмелдеги нызамшылық ҳәм халық аралық шәртнамаларға муўапық киритилген, бөлек шахслар ушын жеңилликлер сақланып қалады.

Шегирмелердиң бир неше түринен бир ўақыттың өзинде пайдаланыўға рухсат етилмейди. Жолаўшы ушын ең мәпли болған шегирме қолланылады. Бул ҳаққында «Ўзбекистон темир йўллари» АЖ баспасөз хызмети хабар бермекте.

Фото: uzrailpass.uz
скачать dle 10.6фильмы бесплатно



  • 5-02-2017, 14:26 |
  • 1 005