Тез күнде Ташкент – Шымкент – Ташкент автобус қатнаўы жолға қойылады

Өзбекистан ҳәм Қазақстан 5-январь күни Ташкент – Шымкент – Ташкент жөнелиси бойынша туўрыдан-туўры автобус қатнаўын жолға қояды, деп хабар берди Sputnik.

Усы күни биринши рейс әмелге асырылады. Келешекте ҳәр күни азанда саат 6 дан 20 ға шекем бир саат аралықта турақлы рейслер жолға қойылады. Автобуслар «Ташкент» (Өзбекистан) ҳәм «Шымкент» (Қазақстан) автовокзалларынан қатнайды.

«Бул жөнелистиң улыўма аралығы 145,2 км болып, мәнзилге үш саатта жетип барылады. Автобус ҳәм жолаўшылар “Ғишткўприк” (Өзбекистан) ҳәм «Жибек Жолы» (Қазақстан)» бақлаў-өткериў пунктлери арқалы өтеди», - деп  мәлим еткен  Өзбекистан Автомобиль ҳәм дәрья транспорт агентлигиндеги дерек.

Автобус ҳәм жолаўшылар ҳәм олардың жүклери бажыхана ҳәм шегара пунктинен нәўбетсиз, пияда өтиўшилер ағымынан бөлек тәртипте биринши нәўбетте өткериледи.

Еслетип өтемиз, 2017-жыл 17-ноябрьде Өзбекистан ҳәм Қазақстан ортасында халық аралық автомобиль қатнаўы ҳаққындағы ҳүкиметлер аралық келисимге тийисли өзгерислер киритиў бойынша баянлама күшке кирген еди.

 

Аўдарма: makan.uz

 

скачать dle 10.6фильмы бесплатно



  • 3-01-2018, 17:30 |
  • 349