Автотранспортты сырттан алып келиў, инәм етиў, басқа шахсқа өткериў ушын бажы төлемлери ҳаққында

1-январьдан баслап Өзбекистанда ислеп шығарылған ҳәм импорт етилген, пайдаланыў мүддети ислеп шығарыўшының рәсмий диллерлеринен сатып алынған күннен баслап бир жылдан өтпеген жеңил автотранспорт қураллары бойынша тийисли шәртнамаларды тастыйықлағаны ушын бажды ҳәр бир ат күши ушын ең кем айлық ис ҳақысының 5 есеси муғдарында өндириў бийкарланды.

Бул Президенттиң 29-декабрьдеги 2018-жылғы макроэкономикалық көрсеткишлер ҳәм мәмлекет бюджети параметрлерин тастыйықлаў ҳаққындағы қарары менен нәзерде тутылған, деп жазады kun.uz.

Буған шекем нотариуслар тәрепинен жергиликли ислеп шығарылған ҳәм импорт етилген, пайдаланыў мүддети ислеп шығарыўшы рәсмий дилерлеринен сатып алынған күннен баслап 1 жылдан аспаған жеңил автотранспорт қуралларынан пайдаланыў ҳуқықын ямаса алды-сатты шәртнамасын, алмастырыў, инәм етиў, рента, ижараға алыў, бийғәрез пайдаланыў, гиреўге қойыў ямаса лизинги бойынша тийисли шәртнамаларды тастыйықлағаны ушын бажы ҳәр бир ат күши ушын ең кем айлық ис ҳақысының бес есеси муғдарында өндирилетуғын еди.

Соның менен бирге, көрсетилген ставка автомобиллер менен бир жыл даўамында қанша шәртнама имзаланғанлығына қарамай қолланылған.

Сатып алынған күннен баслап үш жылдан аспаған автотранспорт қуралларының алды-сатты, алмастырыў, инәм етиў бойынша шәртнамаларды тастыйықлағаны ушын әмелдеги бажы ең кем айлық ис ҳақысының 10%тин, сырт елде ислеп шығарылған автотранспорт ушын – ең кем айлық ис ҳақысының 30%тин, автомобиллерден ата-ана, өмирлик жолдасы ҳәм оның ата-анасы, аға-инилер, апа-сиңлилер, ақлықлар ҳәм ағайинлер тәрепинен пайдаланыў ҳуқықын тастыйықлағаны ушын – ең кем ис ҳақысының 1 есеси, басқа шахслар тәрепинен пайдаланыў ҳуқықы – ең кем ис ҳақысының 5 есеси, басқа шахслар басқарыўы ҳуқықына бериў – ең кем ис ҳақысының 10 есесин қурайды.

 

Мағлыўмат ушын: 2017-жыл 1-декабрьден ең кем айлық ис ҳақы 172 240 сўм

 

Аўдарма: makan.uz

скачать dle 10.6фильмы бесплатно



  • 2-01-2018, 15:19 |
  • 664