1-январьдан салық тараўында болатуғын өзгерислер

1-январьдан баслап салық нызамшылығы ҳәм ҳәкимшилиги тараўында бир қанша өзгерислер күшке киреди. Бул ҳаққында Әдиллик министрлигине тийкарланып kun.uz хабар бермекте.

Атап өтилиўинше, Өзбекистан Республикасы Президентиниң 18-июльдеги Пәрманы менен төмендегилер белгиленген:

Салық органлары ҳәм ҳадал салық төлеўшилер ортасында оларға ағымдағы салық салыў мәселелерин шешиўде ҳәр тәреплеме көмеклескен ҳалда кеңейтилген информация алмасыўын нәзерде тутыўшы салық қадағалаўының заманагөй формасы – салық мониторинги енгизиледи;

ири салық төлеўшилер бойынша салық ҳәкимшилиги функциялары Қарақалпақстан Республикасы, ўәлаятлар ҳәм Ташкент қаласы мәмлекетлик салық басқармалары тәрепинен әмелге асырылады;

ўақтынша финанслық қыйыншылықларға дусласқан ҳадал салық төлеўшилер – хожалық жүргизиўши субъектлерге нызам ҳүжжетлеринде белгиленген тәртипте салық дем алыслары берилиўи мүмкин;

өткерилген камерал қадағалаў нәтийжелери бойынша анықланған айырмашылықлар бойынша салық төлеўшилер тәрепинен тийкарлар усынылмаған жағдайда, салықлар ҳәм басқа мәжбүрий төлемлер суммаларын суд тәртибинде өндириў енгизиледи;

артықша төленген салықлар ҳәм басқа мәжбүрий төлемлерди қайтарыў ямаса есапқа алыў салық төлеўши ўәкилликли органларға мүрәжат еткен сәнеден баслап 15 жумыс күни ишинде әмелге асырылады;

мәмлекет салық хызмети органларына кирим ҳүжжетлерин рәсмийлестирмей товарларды (жумысларды, хызметлерди) реализациялайтуғын хожалық жүргизиўши субъектлердиң есап бетлери бойынша операцияларын 5 банк күнге шекем болған мүддетке ўақтынша тоқтатып турыў ўәкиллиги бериледи;

Ташкент, Нөкис қалаларында ҳәм ўәлаят орайларында салық органларына есап-санақлар ҳаққындағы мағлыўматлардың онлайн режиминде берилиўин тәмийинлейтуғын қадағалаў-касса машиналарын қоллаў арқалы нақ пул түсими үстинен автоматластырылған бақлаў системасы енгизиледи, республиканың қалған аймақларында бул система басқышпа-басқыш киритиледи;

салық тексериўи объектлерин нәтийжели таңлап алыў ушын салыққа байланыслы ҳуқықбузарлықларды ислеў қәўпин анализлеў, сондай-ақ, салық органлары тәрепинен жоқары ликвидли өнимлер ҳақыйқый ислеп шығарыў көлеминиң турақлы есабы ҳәм бақлаўын әмелге асырыў бойынша қәнигелестирилген автоматластырылған система енгизиледи;

мәмлекет салық хызмети органлары хожалық жүргизиўши субъектлер хызметшилериниң есабатындағы ҳәм ҳақыйқый саны муўапықлығы үстинен системалы мониторингин әмелге асырады, нәтийжеси бойынша салық салынатуғын базаны анықластырады.

 

 

Аўдарма: makan.uz

 

 

скачать dle 10.6фильмы бесплатно



  • 30-12-2017, 13:04 |
  • 708