1-январьдан «Бир айна» орайлары Мәмлекет хызметлери орайларына айландырылады

2018-жыл 1-январьдан баслап «Бир айна» орайлары Мәмлекет хызметлери орайларына айландырылады. Бул ҳаққында KUN.UZ хабар бермекте.

Атап өтилиўинше, бул өзгерис Өзбекистан Республикасы Президентиниң 2017-жыл 12-декабрьдеги Пәрманы менен белгиленген. Пәрманға бола, Мәмлекет хызметлери орайларының тийкарғы ўазыйпалары төмендегилер:

Физикалық ҳәм юридикалық шахсларға «бир айна» принципи бойынша, сол қатары алыс орынларға шыққан ҳалда мәмлекет хызметлерин көрсетиў;

мәмлекет хызметлери сервисиниң жоқары сапасы, оперативлиги, әшкаралығы, қолайлығы ҳәм пайдаланыў имканиятын тәмийинлеў, бул тараўда бюрократия ҳәм басқа административлик тосықларға жол қоймаў;

мекемелер аралық шерикшиликти, ең алды менен, мәмлекет хызметлери көрсетиў ушын зәрүр ҳүжжет ҳәм мағлыўматларды тезлик пенен алыўды тәмийинлеўши электрон шерикшиликти әмелге асырыў;

мәмлекет хызметлери көрсетиўде физикалық ҳәм юридикалық шахсларға қәнигели информация ҳәм мәсләҳат жәрдемлерин көрсетиў;

ўәкилликли мәмлекет органлары ҳәм басқа шөлкемлер тәрепинен мәмлекет хызметлери көрсетиўде нызам ҳүжжетлери ҳәм административлик регламентлер талапларына әмел етилиўин тәмийинлеў.

 

Аўдарма: makan.uz

 

скачать dle 10.6фильмы бесплатно



  • 30-12-2017, 11:57 |
  • 430