Ташкент қаласы ҳәм Ташкент ўәлаятында турақлы прописка қылыў тәртиби әпиўайыластырылды

  

Ташкент қаласы ҳәм Ташкент ўәлаятында турақлы прописка қылыў тәртиби әпиўайыластырылды

 

Министрлер Кабинетиниң 2017-жыл 20-декабрьдеги 1001-санлы қарары менен Ташкент қаласы ҳәм Ташкент ўәлаятында турақлы прописка қылыў ҳәм турған жайы бойынша есапқа алыў тәртибине пуқаралар ушын қолайлық жаратыўға арналған өзгерислер киритилди. Бул ҳаққында Әдиллик министрлиги хабар берди, деп жазады Kun.uz.

 

1) Енди, Ташкент қаласында ҳәм Ташкент ўәлаятында турақлы пропискаға ийе болыў ушын турақ жай ҳүжжетлери, үй-жай мүлк ийесиниң арзасы, неке дүзилгенлиги ямаса балалар туўылғанлығы ҳаққындағы гүўалықлардың нотариал тастыйықланған нусхалары талап етилмейди.

 

2) Ташкент қаласы ҳәм Ташкент ўәлаятында турақлы пропискаға қойыўда төмендеги ҳүжжетлер усынылыўы улыўма бийкар етилди:
- ерли-зайыплының әмелде жасаған орнында олардың кеминде бир жыл бирге жасағанлығы ҳаққында мәҳәлле жыйыны баслығы ҳәм профилактика инспекторы тәрепинен қол қойылған мағлыўматнама;

- Олий Мажлис палаталары, Өзбекистан Республикасы Президенти ямаса Министрлер Кабинети тәрепинен, сондай-ақ, Өзбекистан Республикасы Президенти менен келисилген ҳалда лаўазымға тайынланғанлық, тастыйықланғанлық, сайланғанлықты тастыйықлайтуғын ҳүжжетлердиң кадрлар бөлими тәрепинен тастыйықланған нусхалары;

- мәмлекет ҳәкимиятының ўәкиллик органларына сайланғанлықты тастыйықлайтуғын ҳүжжетлердиң кадрлар бөлими тәрепинен тастыйықланған нусхалары;

- лаўазымға тайынлаў ҳаққындағы буйрықтан көширме.

 

3) Төмендеги жағдайларда ўақтынша есапқа қойыў ушын турақ жай ижара шәртнамасы ямаса турақ жайдан ешейин пайдаланыў шәртнамасы талап етилмейди.

- пуқара (шаңарақ ағзалары менен бирге) турақ жай мүлк ийелериниң ямаса усы турақ жайда турақлы жасап атырған шахстың жақын ағайини болса, ағайинлиги дәрежесин тастыйықлайтуғын ҳүжжетлер усынылғанда;

- Ташкент қаласы ҳәм Ташкент ўәлаятына республиканың басқа аймақларынан хызмет сапары, мийнет дем алысы, қәнигелигин арттырыў, емлениў мүнәсибети менен келген болса, тастыйықлаўшы ҳүжжетлер усынылғанда.

 

Аўдарма: makan.uz

скачать dle 10.6фильмы бесплатно



  • 24-12-2017, 14:46 |
  • 436