Айырым түрдеги хызметлерде енди ҳүжжетлердиң нотариал тастыйықланған нусхалары соралмайды

Өзбекистан Республикасы Министрлер Кабинетиниң 2017-жыл 20-декабрьде қабыллаған 1001-санлы қарары менен 52 түрдеги мәмлекет хызметлерин көрсетиў процессинде физикалық ҳәм юридикалық шахслардан ҳүжжетлердиң нотариал тастыйықланған нусхаларын алыў әмелияты бийкарланбақта, деп хабар берди kun.uz.

Ҳүжжетте айтылыўынша, ендигиден былай физикалық ҳәм юридикалық шахслар тәрепинен усынылатуғын ҳүжжетлердиң нусхалары мәмлекет хызметлерин көрсетиўши орган тәрепинен тастыйықланып, түп нусха қайтарып бериледи.

Ҳүжжет нусхаларын нотариал тастыйықлаў әмелияты шет елдеги ҳәрекетлер ушын зәрүр болған, шет ел мәмлекетлери органлары тәрепинен тастыйықланған ямаса берилген, апостиль қойылатуғын ҳәм белгиленген тәртипте легалластырылатуғын, сондай-ақ, нызамда туўрыдан-туўры нәзерде тутылған ҳүжжетлер ушын ғана сақланып қалынбақта. Ҳүжжеттиң толық тексти менен www.lex.uz сайтында танысыў мүмкин.

 

Аўдарма: makan.uz

скачать dle 10.6фильмы бесплатно



  • 23-12-2017, 21:13 |
  • 484