Аўыл ҳәм суў хожалығы министри: «Фермерлер пахта ҳәм ғәлле жетистириўде зыян көрмекте»

 

Аўыл ҳәм суў хожалығы министри: «Фермерлер пахта ҳәм ғәлле жетистириўде зыян көрмекте»

 

 

21-декабрь күни Өзбекистан Республикасы Олий Мажлиси Сенатының XIII улыўма жыйналысы өз жумысын екинши күнде даўам еттирди. Онда 77 сенатор, министрлик ҳәм мекемелер жуўаплы басшылары, суд ҳәм прокуратура хызметшилери ҳәм ғалаба хабар қураллары ўәкиллери қатнасты. «2018-жылда фермер хожалықларын басқышпа-басқыш көп тармақлы фермер хожалықларына айландырыў бойынша бағдарлама» ҳаққында Өзбекистан Республикасы Бас министр орынбасары – Аўыл хожалық министри Зойир Мирзаев сөз сөйледи. Бул ҳаққында Kun.uz хабар бермекте.

«Тастыйықланған бағдарламаға муўапық, өтип баратырған 2017-жылдың өзинде 23800 фермер хожалығы көп тармақлы хожалық түрине өтти. Жумыс ислеп атырған көп тармақлы фермер хожалықлары тийкарынан гөш, сүт өнимлерин қайта ислеў, суўытқыш, қоймахана ҳәм ыссыханаларды шөлкемлестириў, сондай-ақ халыққа хызмет көрсетиў сыяқлы жөнелислерди өз ишине қамтып алады.

Жаңа бағдарламаға муўапық, 2018-жылы 21634 фермер хожалығы жәми 22 жөнелис бойынша көп тармақлы искерлигин баслайды. Сондай-ақ, 22986 жойбар, соннан, фермер хожалықлары тәрепинен 4,7 мың гектар майданда интенсив бағ, 4,300 гектар жерде жаңа жүзимбақлар, 844 гектар ыссыхана қурыў сыяқлы жойбарлар орынланыўы күтилмекте», деп мағлыўмат берди министр.

Мәлим етилиўинше, Аўыл ҳәм суў хожалығы министри тәрепинен атап өтилген барлық жойбарларды орынлаў ушын 1,6 триллион сўм қунындағы қаржы талап етиледи. Бул қаржылардың 609 миллиард сўмы коммерциялық банклери кредитлери есабынан қапланыўы нәзерде тутылған. Зойир Мирзаевтиң айтыўынша, бул бағдарлама әмелиятқа енгизилиўи менен район ҳәм аўыллық орынларда 84 мыңға жақын жаңа жумыс орынлары жаратылады. Сондай-ақ, көп тармақлы фермер хожалықлары саны 96 мыңға, яғный жәми фермер хожалықларының 60%ке жетиўи күтилмекте.

«Жойбарларды әмелге асырыў аймағында инфраструктура объектлериниң бар екени яки жоқ екени, коммерциялық банклердиң жойбар бойынша жуўмақлаўшы жуўмағы улыўмаластырылған. Ҳәммеңизге белгили, кейинги ўақытта фермерлер пахта ҳәм ғәлле жетистириўде зыян көрмекте. Президент басламасы ҳәм арнаўлы қарары менен усы жылы дерлик 1 миллион гектар майданға тәкирар егин егилиўи белгиленди. Бул реформа нәтийжесинде 4,2 триллион сўм қундағы ямаса 5,6 миллион тонна аўыл хожалығы өнимлери жетистирилди» деп айтты министр.

 

Аўдарма: makan.uz

 

скачать dle 10.6фильмы бесплатно



  • 21-12-2017, 17:01 |
  • 259