Медицина хызметшилери ҳәм оқыўшылар металлалом тапсырыўдан азат етилди

2018-жыл 1-январьдан баслап медицина хызметшилери ҳәм мектеп оқыўшыларын металлалом теримине тартыў қадаған етилди. Бул ҳаққында Өзбекистан Республикасы Президенти Шавкат Мирзиёевтиң 2017-жыл 18-декабрьде қабыллаған «2018-жылда металлом таярлаў, қара металл прокатын ислеп шығарыў ҳәм тутыныў ҳаққында»ғы қарарында солай делинген, деп хабар бермекте kun.uz.

Бул қарар 2018-жылдың 1-январынан баслап күшке киреди. Қарарда айтылыўынша, жергиликли ҳәкимлик жуўапкерлери ендигиден былай билимлендириў ҳәм медицина хызметшилерине қара металл шығындысын жыйнаў, темир-терсек буйымларын тапсырыў мәжбүриятларын жүклеў қадаған етиледи.

Банкротлығы жәрияланған кәрхана балансындағы техникалық насаз, пайдаланыўға жарамсыз үскене ҳәм металлоконструкциялар темир шығындысы сыпатында шәртнама тийкарында «​Ўзметкомбинат»​ АЖға мәжбүрий сатылыўы белгилеп қойылды.

Мәлим етилиўинше, бул ҳүжжетте «​Ўзметкомбинат»​ АЖ тәрепинен ислеп шығылған қара металл прокатын сатыў, тек ғана биржа арқалы әмелге асырылыўы белгилеп қойылған. Буннан тысқары, металлургия саласында қара прокат ислеп шығарыў ушын шийки зат алып кириўши хожалық субъектлери, 2019-жылдың 1-январына шекем бажыхана салықларынан азат етиледи.

 

Аўдарма: makan.uz

 

скачать dle 10.6фильмы бесплатно



  • 19-12-2017, 22:17 |
  • 374