Министрлер Кабинети 2018-жылы цемент ислеп шығарыў бойынша қарар шығарды

Министрлер Кабинетиниң 2017-жыл 8-декабрь күнги 971-санлы «2018-жылы цементти ислеп шығарыў ҳәм жумсаў ҳаққында»ғы қарары қабылланды. Бул ҳаққында Norma.uz хабар бермекте.

2018-жыл 1-январьдан баслап монополист кәрханалар цементти тек ғана биржа саўдаларында реализациялайды. Усылай етип, республика ишиндеги тутыныўшыларға келеси жылы да биржа саўдалары арқалы 8 млн 424 мың тонна цемент сатылады.

Биринши рет саўдаға қойылғанда реализация етилмеген көлемлер бир ай даўамында қайта саўдаға қойылады ҳәм тек соннан кейин ғана туўрыдан-туўры шәртнамалар бойынша экспортқа реализация етилиўи мүмкин.

Еслетип өтемиз, Президенттиң 14.11.2017-жылдағы ПҚ–3386-санлы қарары менен келеси жылдан баслап жоқары ликвидли 27 түрдеги өним тек ғана биржа саўдалары арқалы реализацияланады. Бирақ, биржада сатып алынған бундай өнимлерди қайта сатыўға қойылған қадаған бийкарланды.

Мағлыўмат ушын, мәмлекет бәсекилик комитетиниң рәсмий сайтынан алынған мағлыўматларға қарағанда 1.10.2017-жыл ҳалатына цементти ислеп шығарыў товар базарында үстемлик дәрежесин ийелеп турған 4 кәрхана – (монополист кәрханалар): «Қизилқумцемент» АЖ, «Қувасойцемент» АЖ, «Бекободцемент» АЖ ҳәм «Оҳангаронцемент» АЖ тәрепинен әмелге асырылады.

Ҳүжжет 12.12.2017-жылдан баслап күшке кирди.

 

скачать dle 10.6фильмы бесплатно



  • 15-12-2017, 14:41 |
  • 240