Өзбекистан Президентиниң баспасөз хаткери тайынланды

 Өзбекистан Президентиниң баспасөз хаткери тайынланды

Комил Алламжонов Президенттиң баспасөз хаткери - Өзбекистан Республикасы Президенти Аппараты баслығының орынбасары етип тайынланды. Мәмлекет Президенти Шавкат Мирзиёев 1-декабрь күни Президент баспасөз хызмети искерлигин еле де жетилистириў ҳаққындағы қарарды ҳәм лаўазым тайынлаўы бойынша пәрманды тастыйықлады. Қарар менен тийисли структуралық өзгерислер киритилди.

Комил Алламжонов – 1984-жыл Ташкент қаласында туўылған, Өзбекистан Көркем-өнер ҳәм мәденият институты (2006) ҳәм Ташкент мәмлекетлик экономика университети (2010) питкериўшиси.

2002-2004-жылларда Айрықша жағдайлар министрлиги баспасөз хызмети хызметшиси, бас қәниге болып ислеген. 2004-2005-жылларда Мәмлекетлик салық комитети мәлимлеме хызметиниң бас қәнигеси болған, 2005-2009-жылларда Мәмлекетлик салық комитетиниң мәлимлеме хызмети баслығы ўазыйпасын орынлаўшы лаўазымын ийелеген, 2009-2013-жылларда - мәлимлеме хызмети баслығы - Мәмлекетлик салық комитети баслығы баспасөз хаткери.

2017-жылдың мартынан августына шекем мәмлекет мәсләҳатшиси орынбасары болып ислеген – Президент баспасөз хызметине Асаджон Хўжаев басшылық еткен. Бул ҳаққында kun.uz хабар бермекте.

 

скачать dle 10.6фильмы бесплатно



  • 2-12-2017, 17:28 |
  • 82