Пышықлар ақылла ма ямаса ийтлер? Алымлар жуўабын айтты

 

Пышықлар ақылла ма ямаса ийтлер? Алымлар жуўабын айтты

 

Ийтлердиң бас мий қабығында нейронлар пышықларға қарағанда еки есе көбирек. Бул пикирлеў, режелестириў ҳәм қурамалы ҳәрекетлер ушын жуўап береди, деп анықлады алымлар. Жумыс нәтийжелери Frontiers in Neuroanatomy журналында басып шығылды, деп хабар берди kun.uz.

Изертлеўшилер бир неше ҳайўанлардың түрлери, атап айтқанда пышықлар, ийтлер, арысланлар, қоңыр айыўлар, енотлар мийин салыстырды. Мәлим болыўынша, ийтлердиң бас мий қабығында 530 миллион нейронлар бар болса, пышықларда бул көрсеткиш – тек ғана 250 миллион (салыстырыў ушын, адам бас мий қабығында шама менен 16 миллиард нейронлар бар). Изертлеўшилердиң пикирине қарағанда, дәл усы бөлимдеги нейронлар муғдары ҳайўанның алдынғы тәжирийбеден келип шығып жуўмақ шығарыў имканиятын белгилейди.

Бирақ, жумыс авторларының пикирине қарағанда, пышықлар да ақмақ емес, тек оларды үйрениў бираз қыйын. Мысалы, 2017-жылдың басында япониялы алымлар пышықлар ийтлерден ақмақ емес екени ҳақкындағы жуўмаққа келди – олар өзлери менен не жүз берип атырғанын еслеп қалыў, керек болғанда ядтан керекли мағлыўматларды алыўлары мүмкин.

Буннан тысқары, изертлеўшилер итибарын енотлар өзине тартты – киши көлемлерге қарамай, олар бас мий қабығындағы нейронлар саны бойынша ийтлерден қалыспайды.

скачать dle 10.6фильмы бесплатно



  • 1-12-2017, 11:35 |
  • 371