Өзбекистанда USAID ҳәм EU жойбарлары әмелге асырылады

Өзбекистанда USAID ҳәм EU жойбарлары әмелге асырылады

Өзбекистан Республикасы Аўыл ҳәм суў хожалығы министрлиги ҳәм де Орайлық Азия аймақлық экологиялық орайы ортасында еки жойбарды әмелге асырыў бойынша шәртнаманы имзалаў мәресими болып өтти. Бул ҳаққында daryo.uz хабар бермекте.

АҚШ Халық аралық раўажланыў агентлиги (USAID) тәрепинен қаржыландырылып атырған «Орайлық Азияда суў, билимлендириў ҳәм бирге ислесиў» жойбарының мақсети кадрлар таярлаў системасын жақсылаў, суў хожалығы қәнийгелериниң тәжирийбесин арттырыў, суў ресурсларын басқарыўда ҳәўизли жантасыў мүмкиншилигин көрсетиў ҳәм аймақлық академиялық бирге ислесиўди кеңейтиўден ибарат.

Европа Аўқамы (EU) тәрепинен қаржыландырылып атырған «Орайлық Азияда суў шерикшилиги» жойбарында аймақлық суў шерикшилигин кеңейтиў, аймақлық ҳәм халық аралық әмелиятты үйрениў ҳәм көрсетиў, Орайлық Азияда экология ҳәм турақлы раўажланыў мәселелеринде өз ара бирге ислесиўди күшейтиў, суў ресурсларын басқарыў мәселелери бойынша инновациялық усыл ҳәм әмелиятты қолланыў нәзерде тутылған.

Келисим Аўыл ҳәм суў хожалығы министриниң орынбасары Шавкат Хамраев ҳәм Орайлық Азия аймақлық экологиялық орайы атқарыўшы директоры Искандар Абдуллаев тәрепинен тастыйықланды.

Фото: Аўыл ҳәм суў хожалығы министриниң мәлимлеме хызмети
скачать dle 10.6фильмы бесплатно



  • 2-02-2017, 07:53 |
  • 357