Неше процент халық Шавкат Мирзиёевқа исенеди?

«Ижтимоий фикр» жәмәәтшилик пикирин үйрениў орайы «Пуқаралар Өзбекистан Республикасы Президенти ҳаққында» темасында сораў өткерди. Бул хаққында «Дарё»ға орай ўәкиллери мәлим еткен. Жәмәәтшилик пикири сораўы 11-октябрьден 22-октябрьге шекем өткерилген. Жәми мәмлекеттиң барлық аймақларындағы 18 жас ҳәм оннан жоқары болған 1100 адам соралды, олардың 49,1 %ти еркеклер ҳәм 50,9% ти ҳаял-қызлар.

«Сиз Шавкат Миромонович Мирзиёевтиң Өзбекистан Республикасы Президенти лаўазымындағы искерлигин қандай баҳалайсыз?» деген сораўға 89,3 % респондент унамлы жуўап берди. 10,1% «көбирек унамлы» екенлигин мәлим етти, 0,6%ти жуўап бериўге қыйналды.

«Өзбекистан Республикасы Президенти Шавкат Миромонович Мирзиёев тәрепинен өткерилип атырған сиясат Сизиң арзыў ҳәм үмитлериңизди қай дәрежеде ақлады?» сораўына жуўап бериўде қатнасыўшылардың 90,2% «толық дәрежеде», 7,6%ти «орта дәрежеде» ақлағанын айтты, 1% ақламағанын мәлим етти, 1,2% ти анық жуўап бермеди.

«Өзбекистан Республикасы Президенти Шавкат Миромонович Мирзиёевқа қай дәрежеде исенесиз?» деген сораўға 93,1 % респондент «толық дәрежеде исенемен» деп жуўап берди. Соралғанлардың 4,3%ти Президентке азы-кем исениўин мәлим етти, 4,2%ти анық жуўап бериўге қыйналды.

скачать dle 10.6фильмы бесплатно



  • 30-11-2017, 13:43 |
  • 383