Өзбекистанда жаңа министрлик шөлкемлестирилмекте

 

Өзбекистанда жаңа министрлик шөлкемлестирилмекте

 

Өзбекистан Республикасы Президентиниң «Өзбекистан Республикасы Инновациялық раўажланыў министрлигин шөлкемлестириў ҳаққында»ғы пәрманы қабыл етилди.

Пәрманға муўапық, Өзбекистан Республикасы Инновациялық раўажланыў министрлиги сондай-ақ, Инновациялық раўажланыў ҳәм новаторлы идеяларды қоллап-қуўатлаў фонды шөлкемлестириледи.

Жаңа министрликтиң тийкарғы жумыс бағдары төмендегилер есапланады:

а) мәмлекет ҳәм жәмийет қурылысына инновацияларды енгизиў;

б) экономика тармақларына инновацияларды енгизиў;

в) аўыл хожалығына инновацияларды енгизиў;

г) социаллық раўажланыўға инновацияларды енгизиў;

д) қоршаған орталықты қорғаў ҳәм тәбияттан пайдаланыў системасына инновацияларды енгизиў;

е) алдағы технологиялар енгизилиўин баслаў, муўапықластырыў ҳәм хошаметлеў.

Министрликтиң жумыс бағдарына кириўши мәселелер бойынша норматив-ҳуқықый ҳүжжетлер жойбарлары Министрлик пенен мәжбүрий тәртипте келисилиўи шәрт етип белгиленди.

2018-жыл 1-январьдан баслап, Илим ҳәм технологиялар бойынша Мәмлекет комиссиясы, Өзбекистан Республикасы Илим ҳәм технологиялар агентлиги, Илим ҳәм технологиялар бойынша Мәмлекет комиссиясы жанындағы Илимий-техникалық искерликти қоллап-қуўатлаў ҳәм раўажландырыў фонды ҳәм оның Атқарыўшы дирекциясы тамамланады ҳәм тамамланып атырған мәкеме және мекемелердиң босап атырған штат бирликлери Министрликке өткериледи.

скачать dle 10.6фильмы бесплатно



  • 30-11-2017, 09:14 |
  • 378