Россия мәмлекет думасы өзбекистанлы жумысшылар ҳаққындағы нызам жойбарын мақуллады

Россия мәмлекет думасы өзбекистанлы жумысшылар ҳаққындағы нызам жойбарын мақуллады

 

Россия мәмлекет думасы Өзбекистан пенен өзбекистанлылардың Россияда жумыс пенен тәмийинлениўи ҳаққындағы келисимди ратификациялаў ҳаққындағы нызам жойбарын қабыллады.

Бул ҳаққында Өзбекистанның бәнтлик ҳәм мийнет қатнасықлары министрлигинде мәлим етилген.

«Келисимниң әмелге асырылыўы Өзбекистан ҳәм Россияның сыртқы мийнет миграциясы тараўындағы шерикшилигиниң беккемлениўи, еки мәмлекет ортасында дослық қатнасықлар раўажланыўы, жумысшылар тәжирийбесин арттырыў ҳәм Өзбекистан пуқараларының Россия аймағындағы мийнет искерлигине нызамсыз тартылыўдың алдын алыўға көмек береди», - деп айтылған нызам жойбарына берилген түсиндириў хатында.

Нызам жойбарындағы тийкарғы нормалар өзбекистанлыларды Россияда ўақтынша ислеўге тәртипли қабыллаў ҳәм тартыў бойынша еки мәмлекеттиң жуўаплы мекемелериниң шерикшилик тәртиби ҳәм шәртлерин белгилеўге қаратылған.

Ҳүжжетке муўапық, өзбекистанлылардың Россияда ўақтынша жумыслары ушын комплекс таярлықты Өзбекистанда өтеў имканияты нәзерде тутылған.

Келисим менен Россияда ислеўши өзбекистанлылардың тийкарғы ҳуқықлары белгиленеди. Атап айтқанда, өзбекистанлылардың Россия нызамшылығына сәйкес түрде мийнет ислеў, дем алыў ҳәм социаллық қамсызландырыўға ийе болыўға ҳақылы екени, пенсия тәмийнаты нәзерде тутылған.

 

скачать dle 10.6фильмы бесплатно



  • 27-11-2017, 10:11 |
  • 331