ЕСАПТА БАР, ҚЫРМАНДА ЖОҚ ТОННАЛАР

ЕСАПТА БАР, ҚЫРМАНДА ЖОҚ ТОННАЛАР

Жынаят ислери бойынша Нөкис районы судының Өзбекистан Республикасы атынан шығарылған бул ҳүкимдеги топар болып нызам бузыўшылық ҳәрекетлерге жол қойған алты пуқараның Б.Л. ҳәм А.Б. басқа төртеўи алдын да Жынаят Кодексиниң тийисли статьялары менен жынайый жуўапкершиликке тартылған. Буннан тийисли жуўмақ шығарыў орнына...
2015-жылдың июнь айынан «Қарақалпақдәнөнимлери» акционерлик жәмийетиниң басқарыў баслығы лаўазымында ислеген Қ.К., жәмийеттиң бас лаборанты Р.Д., жәмийетке қараслы «Шортанбай» дән қабыллаў шақапшасы меңгериўшиси М.Қ., лаборант Л.Б., жумысшы А.Б. менен алдыннан жынайый тил бириктирип, 2015-жылы мәмлекет мәпи ушын дән сатып алыў мәўсиминде нызамбузыўшылық ҳәрекетлерге жол қойған. Атап айтқанда, олар Нөкис районы аймағындағы айырым фермер хожалықлары менен дүзилген шәртнамаға тийкар көрсетилген муғдардағы бийдай өнимлери дән қабыллаў шақапшаларына тапсырылмаған болыўына қарамастан, режени орынламаған фермер хожалықларының режесин орынлады етип көрсетиў мақсетинде хызмет ўазыйпаларынан пайдаланып, қырманға төгилмеген бийдайларды тапсырылды деп қосып жазып, статистика мәкемелерине ҳәм хызмет көрсетиўши банклерге жалған мағлыўматлар менен жәмийеттиң бухгалтериялық есабатларына қосып жазыўды әмелге асырған. Нәтийжеде жәми прейскурант бойынша 406867150 сумлық 942800 килограмм бийдайды қосып жазып, рәсмий ҳүжжетлерди биле тура қәлбекилестирип, мәмлекет бюджетинен ажыратылған жүдә көп муғдардағы қаржыларды тийкарсыз рәўиште фермер хожалықлары есап бетлерине өткерип, бюджет қаржыларын талан-тараж еткен.
Жәмийет басшылығы усы тақылеттеги жынайый ҳәрекетин райондағы «Кердер» дән қабыллаў шақапшасының меңгериўшиси З.С. пенен биргеликте әмелге асырады. Бул шақапшада да жәми прейскурант бойынша 185807763 сумлық 465300 килограмм бийдайды қабыллаў квитанцияларына қосып жазып, бюджет қаржыларының талан-таражлығына жол қойған.
Тийисли тексериў уйымларының жуўмағына көре еки шақапшадағы есабатта бар, қырманда жоқ бийдай өнимлериниң кемиси анықланды. Бундай кемшиликлерге жол қойған, ҳүжжетлерди қәлбекилестирген олар суд алдында жуўап берип, тийисли жазаларын алды.

Б.ҚУРБАНОВ.
Мақала «Еркин Қарақалпақстан» газетасының рәсмий сайтынан алынды.
Мақалада келтирилген шахслардың атлары қысқартылды.
скачать dle 10.6фильмы бесплатно



  • 1-02-2017, 14:25 |
  • 340