Ташкентте пуқаралардан газли суў талап еткен милиция хызметкерине жынаят иси ашылды

 

Ташкентте пуқаралардан газли суў талап еткен милиция хызметкерине жынаят иси ашылды

 

Ҳуқықты қорғаў органлары хызметшисине Ташкенттеги Ғәрезсизлик майданында айланып жүрген пуқаралардан пара алғаны ушын жынаят иси ашылды. бул ҳаққында UzNews.uz хабар бермекте.

Ташкент қаласы Юнусобод районы ИИББда берилген хабарға қарағанда, Ғәрезсизлик майданында айланып жүрген 1990 ҳәм 1994-жылы туўылған пуқаралар милиция хызметкери тәрепинен ҳүжжетлерди тексериў ушын тоқтатылған. Соннан соң, олардың шахсын тастыйықлаў ушын "Туркистон саройи" қарама қарсысындағы милиция постына барыўды сораған. Милиция хызметкери егер оған "Coca-Cola" ҳәм мазалы затлар әкелип берсе, оларды қойып жибериўге ўәде берген. Бирақ, пуқаралар, оларда тек ғана 10 000 сўм нақ пул бар екенлигин айтып, пулды хызметкердиң дәптериниң ишине салып қойған.

Жәбирлениўшилер болса барлық сөйлесиўди телефонларына жазып алған.

Пуқаралар айғақлық дәлиллер менен ҳуқықты қорғаў органларына мүрәжат еткен.

Тергеў илажлары өткерилгенинен соң, милиция хызметкери өз айыбын тән алған ҳәм лаўазымынан азат етилген.

Усы жағдай бойынша Өзбекистан Республикасы Жынаят кодексиниң 210-статьясы 1-бөлими (пара алыў) менен жынаят иси қозғатылған. Усы статьяға тийкар, жынаятшы Ең кем айлық ис ҳақының 50 есесинен 100 есесине шекем жәрийма төлеўи ямаса азатлықтан айырылыўы мүмкин.

скачать dle 10.6фильмы бесплатно



  • 21-11-2017, 12:57 |
  • 387