Ислам Каримов «Ғәрезсизлигимиздиң тийкарын салыўшысы»

Ислам Каримов «Ғәрезсизлигимиздиң тийкарын салыўшысы»

Өзбекистан “Миллий тикланиш” демократиялық партиясының Қарақалпақстан Республикасы Кеңеси тәрепинен 2017-жыл 31-январь күни Нөкис қаласы Әжинияз атындағы Нөкис мәмлекетлик педагогикалық институты мәжилислер залында Өзбекистан Республикасы Биринши Президенти Ислам Каримовтың туўылған күнине бағышлап «Ғәрезсизлигимиздиң тийкарын салыўшысы» атамасында еске алыў кешеси өткерилди.
Онда Өзбекистан Қәҳарманы, Өзбекистан Республикасы Олий Мажлис Сенаты ағзасы Ғайратдин Хожаниязов, Қарақалпақстан Республикасы Жоқарғы Кеңеси, Халық депутатлары Нөкис қалалық ҳәм районлық Кеңеслери депутатлары, Өзбекистан “Миллий тикланиш” демократиялық партиясы Қарақалпақстан Республикасы Кеңеси Атқарыў Комитети аппараты хызметкерлери, Нураныйлар, академиклер, профессор оқытыўшылар, Нөкис мәмлекетлик педагогикалық институты студент жаслары, партия белсендилери ҳәм де ғалаба хабар қураллары ўәкиллери қатнасты.
Еске алыў кешесинде Өзбекистан Республикасы Биринши Президенти Ислам Каримовтың өмири ҳәм хызмети, бай мәнаўий мийрасы ҳаққында сөз етилди.
Ислам Каримов «Ғәрезсизлигимиздиң тийкарын салыўшысы»

Ислам Каримов ғәрезсиз Өзбекистан мәмлекетиниң тийкарын салыўшы, оны заманагөй тийкарда раўажландырыў стратегиясын, дүньяда “Өзбек модели” деген ат пенен тән алынған раўажланыў жолын ислеп шыққан. 25 жыл даўамында ғәрезсиз Өзбекистанды басқарып, ашық пуқаралық жәмийети ҳәм базар экономикасына тийкарланған ҳуқықый демократиялық мәмлекет қурыўдың терең ойланған стратегиясын ислеп шыққан ҳәм оны әмелге асырған уллы мәмлекетлик ғайраткер сыпатында мәмлекетимизде ҳәм халықаралық көлемде үлкен абырайға еристи.
Өзбекистанның суверенитети ҳәм ғәрезсизлигин сақлаў ҳәм беккемлеў Президент Ислам Каримов ушын ҳәмийше ең уллы ўазыйпа болып келди ҳәм ол алып барған сиясаттың тийкарғы принципи болып қалды.
Ислам Каримов «Ғәрезсизлигимиздиң тийкарын салыўшысы»

Өзбекистан халқы ғәрезсизлик жылларында ерисилген барлық үлкен жетискенликлер ҳәм нәтийжелерди мәмлекетимиздиң Биринши Президенти аты ҳәм хызметлери менен тығыз байланыслы деп биледи.
Ол ҳақлы түрде демократиялық талаплар ҳәм халықаралық өлшемлерге толық жуўап беретуғын Өзбекистан Республикасы Конституциясының авторы болып, оны турмысқа әмелий жақтан енгизиўдиң ҳақықый кепилине айланды.
Ислам Абдуғаниевич Каримов мәмлекетимиздиң бүгинги ҳәм ертеңги күниниң шешиўши күшине айланып баратырған жасларымыздың сана-сезими ҳәм дүнья қарасын пүткиллей өзгерткен, жетик әўладты тәрбиялап кәмалға жеткериўдиң жаңа принципиаллық системасын шөлкемлестириў ҳәм оны турмысқа енгизиўге тиккелей басшылық етти.
Ислам Каримов «Ғәрезсизлигимиздиң тийкарын салыўшысы»

Ол миллий-мәнаўий қәдириятларымызға ҳүрмет-иззет пенен мүнәсибетте болыў, муқаддес динимиз, үрп-әдетлеримиз, бийбаҳа тарийхый мийрасымызды асырап-абайлаў ҳәм раўажландырыўды мәмлекет сиясаты дәрежесине көтерди, халықаралық майданда Өзбекистанның абырайын асырыўға үлкен үлес қосты.
Илажда сөзге шыққанлар Өзбекистан Республикасының Биринши Президенти, өзбек халқының уллы перзенти Ислам Абдуғаниевич Каримов тулғасы пүткил халқымыздың қәлбинде мәңги сақланып қалатуғынлығын атап өтти.

Мырзахмет Тажимуратов
ӨзМТДП Қарақалпақстан Республикасы
Кеңеси жетекши қәнийгеси
скачать dle 10.6фильмы бесплатно



  • 31-01-2017, 16:20 |
  • 392