Өзбекистанда 1-январьдан суў тәмийнаты ушын жаңа тарифлер енгизиледи

 

Өзбекистанда 1-январьдан суў тәмийнаты ушын жаңа тарифлер енгизиледи

 

Өзбекистан ҳүкимети 2018-жыл 1-январьдан суўық суў ҳәм суў шығарыў хызметлери ушын жаңаланған тарифлерин енгизеди. Бул ҳаққында Президенттиң «Суў тәмийнаты ҳәм суў шығарыў хызметин көрсетиў тараўында толем интизамын түпкиликли жетилистириў ис-илажлары ҳаққында»ғы пәрманында сөз етилген.

Президент Шавкат Мирзиёев 2018-жыл 1-январьдан баслап суў тәмийнаты ҳәм суў шығарыў хызметлери ушын жаңаланған тарифлерди енгизиў ҳаққында Финанс министрлигине тапсырма берди.

Буннан тысқары, мәмлекет Президенти Финанс министрлигине водопровод-канализация хожалығы шөлкемлериниң рентабеллигин тәмийинлеўши қолайлы тарифлерди белгилеў механизмлерин нәзерде тутқан ҳалда суў тәмийнаты суў шығарыў хызметлери ушын тарифлерди белгилеў тәртиби ҳаққындағы нызамды ислеп шығыў ўазыйпасын қойды.

Нөкис қалалық суў ақаба филиалы абонент хызмети бөлими баслығы Бахтияр Сейтмуратовтың берген мағлыўматына қарағанда, Бүгинги күни Нөкис қаласында көп қабатлы үйлерде жасаўшылар есаплағыш тийкарында бир куб метр ишимлик суў ушын 675 сўм, ақаба суў ушын 505 сўмнан төлемекте. Есаплағышы болмаған жағдайларда болса төлем басқаша есапланады. Яғный, Министрлер Кабинетиниң 2014-жыл 15-июльдеги 194-санлы қарарына тийкар, белгиленген тарифке 1,5 коэфициент есапланған ҳалда төлейди. Жер жайларда жасаўшылар есаплағышы бар болған жағдайда 1 метр куб суў ушын 675 сўмнан төлейди.

 

Фото: UZ24

скачать dle 10.6фильмы бесплатно



  • 17-11-2017, 16:11 |
  • 306