Мақала: «Мениң пикиримше, шашыў той, үлкен той, жаслар тойы, қуда шақырыспақ — төртеўин бир күнге белгилеп, атқарыўға болады»

«Еркин Қарақалпақстан» газетасында Нөкис қаласы ПҲАЖ бөлими инс­пекторы Г.Давлетмуратованың макаласы жәрияланды. Оны нәзериңизге усынамыз.

 

«Еркин Қарақалпақстан»газетасының 21-октябрь Қ131 (20061) санында журналист Г.Турдышованың «Бәршеге ой салған той» мақаласы ҳәммени ойға салады. Автор мақалада ҳәзирги тойларымыздағы ушырасып атырған биймәни дәстүрлерди ўақыялар арқалы түсиндирип, үлкен мәселени көтерип шыққан.

Ҳәр бир ата-ана перзентлериниң бахытлы болыўын әрман етеди, той мәресимлерин бериўде ҳәддимизден аспай, менменлик иллетлеринен сақланыўымыз керек. Тойларға шақырылған мийманларды ықшамластырып, мәденият хызметкерлери санын қысқартып, қуда шақырыспақты еки тәреп келисип, сарпайлаўды тоқтатып, қыз зыяпатын қысқартыўымыз керек. Соларға кететуғын қәрежетлер жас шаңарақтың келешек турмысына, керекли хожалық буйымларына, аяққа беккем турып кетиўине сарпланса мақсетке муўапық болар еди, деп ойлайман. Ҳәзирги күни ҳешкимге де сыр емес, қатар-қатар «Каптива» машиналары дизилип, ата-бабаларымыздың үрп-әдетлеринде жоқ келинниң аяқ кийимин шешип алып, қәде сораўды тоқтатыўымыз шәрт.  Әлбетте, келин түскен үйдиң, тойдың биринши гүўалары аймақтағы мәкан пуқаралар жыйыны ағзалары, солар менен биргеликте жақсы үрп-әдетлерди турмысқа енгизиўимиз керек.

Мениң пикиримше, шашыў той, үлкен той, жаслар тойы, қуда шақырыспақ — төртеўин бир күнге белгилеп, атқарыўға болады. Қалған қәрежетлерди жумсаўда ҳүкиметимиз тәрепинен қабыл етилип атырған пәрман ҳәм қарарларда белгиленген имканиятлардан, микрокредит, ипотека кредитлерден пайдаланыў керек. Әсиресе, жас шаңараққа керекли мебель, келинниң жумысын жеңиллететуғын кир жуўыў машинасы ҳәр бир хожалыққа керек.

Халқымыздың ең жақсы тилеги ҳәм ақ пәтиялары тойлар менен байланыслы, биз бир-биримизге жақсылық тилейтуғын халықпыз. Той-мерекелерин жақсы, тәртипли, заманагөй, миллий үрп-әдетлер менен өткериўде ПҲАЖ бөлими хызметкерлери, ҳаял-қызлар комитети ағзалары, мәкан пуқаралар жыйыны мәсләҳәтшилери менен ғамқорлықта үгит-нәсият жумысларын дурыс жолға қойыў илажларын көрип атырмыз».

 

 

скачать dle 10.6фильмы бесплатно



  • 16-11-2017, 13:15 |
  • 352