Орайлық банк ири купюраларды көбейтеди

 

Орайлық банк ири купюраларды көбейтеди

 

Халық аралық пресс-клубта «Валюта базары: дәслепки нәтийжелер ҳәм келешектеги режелер» темасына арналған сессия болып өтти.

Сессияда қатнасқан, Өзбекистан орайлық банки баслығы орынбасары Тимур Ишметовтың мағлыўмат бериўинше, Орайлық банк тыйынлар бойынша еле анық қарарға келмеген, бирақ халыққа қолайлы болыўы ушын қуны үлкен болған банкноталарды көбирек ислеп шығарыўды баслаған. Бул ҳаққында asr.uz хабар берди.

«Тыйынлар бойынша ҳәзирше анық қарарға келинбеди. Жәмийетке қолайлы болыўы ушын ҳәм ислеп шығарыўды оптимизациялаў мақсетинде биз айырым үлкен қундағы банкноталарды, мысалы, 50 ҳәм 10 мың сўмлық қағаз пулларды көбирек шығарып атырмыз», - деди Орайлық банк баслығының орынбасары Тимур Ишметов.

Еслетип өтемиз, жақында Орайлық банк тапсырмасына муўапық, ноябрь айынан баслап 500 ҳәм 1000 сўмлық қағаз пуллар тезлетилген тәртипте айланыстан шығарылып баслайды. Қағаз пуллар орнына 500 ҳәм 1000 сўмлық қунға ийе болған тыйын пуллар айланысқа шығарылыўы мүмкин, деген хабар тарқалған еди.

скачать dle 10.6фильмы бесплатно



  • 16-11-2017, 10:19 |
  • 634