«Тым-тырыс уйқылап қалған» Нөкис қаласы ҳәкимиятының рәсмий сайты «оянды»!

  

Қарақалпақстан Республикасындағы барлық районлар (қала) ҳәкимиятларының «Қарақалпақстан компьютерлестириў орайы» МУК тәрепинен ислеп берилген рәсмий сайтлары бар. Олардың ҳәзирги ўақытта актив ислеп турғанлары мыналар: qonlikol.rk.uz, shomanay.rk.uz, ellikqala.rk.uz, amudaryo.uz, chimbay.rk.uztaxtakopir.rk.uz. Қалғанлары болса 2017-жылдың 17-мартынан баслап «уйқылап атыр», олар: nukuscity.rk.uz (13-ноябрь күни жаңалық жайғастырды), beruniy.rk.uz, qoraozak.rk.uz, kegeyli.rk.uz, qongirot.rk.uz, nukus.rk.uz, tortkol.rk.uz, muynaq.rk.uz (Мойнақ районы сайтын соңғы рет 31.07.2017 жаңалады). Арасында мағлыўмат жайғастырып турғаны: xodjeyli.rk.uz

2017-жылдың басынан баслап ислемей турған бул районлардың ҳәкимият сайтларын сынға алып бир неше мәрте рейтинг де, мақала да жазып  шығарылды. Бирақ, бәрибир нәтийже күтилгениндей болып, бәри түўел ислеп кеткен жоқ. Сайтқа жаңалықлар қосыў ушын ҳәр күни районлардың сайтларына шолыў жасағанымызда төмендеги мағлыўматты 2017-жылдың 17-мартынан баслап қайта-қайта көре берип үйренип кеткен едик.

«Тым-тырыс уйқылап қалған» Нөкис қаласы ҳәкимиятының рәсмий сайты «оянды»!

 

Бирақ, бүгин Нөкис қаласы ҳәкимиятының рәсмий сайты бизди ойда жоқта жүдә қуўантты. Сайтта «Мәлимлеме ресурс орайы ашылды ϴзбекистандағы АҚШ елшиханасы елшиси Памела Спартлен Қарақалпақ мәмлекетлик университетинде болды» ҳәм «Пийшемби-жынаятшылықтың алдын ҳәм профилактика күни «нәўбәҳәр»деги ибратлы ислер» деген мағлыўматлар тур!

«Тым-тырыс уйқылап қалған» Нөкис қаласы ҳәкимиятының рәсмий сайты «оянды»!

 

Биринши жаналық гөнерип кеткен болса да мейли, ишинде қәтелери бар болса да мейли, ең баслысы сайт «оянды»! Бундай үлкен басламасы менен ҳәкимят хызметшилерин қутлықлап, жумысларында табыслар тилеймиз. Пайтахт турғынлары Нөкис қаласындағы, әсиресе, ҳәкимият пенен байланыслы болған жумыслардың жаңалығын билип барыўға қызағады.  Биз Нөкис қаласы ҳәкимиятының сайты бул еки жаңалығын жайғастырып болып «қысқы уйқыға» кетип қалмайды деп үмит етемиз.

Мағлыўмат ушын айтып өтемиз, ҳәзирги ўақытта Нөкис қаласы ҳәкими орны вакант есапланады. Ҳәким ўазыйпасын алдын Қарақалпақстан Республикасы Министрлер Кеңеси баслығының санаатты раўажландырыў, капитал қурылыс, коммуникациялар ҳәм коммунал хожалығы мәселелери бойынша орынбасары лаўазымында ислеп келген Сабыр Нағметов атқарып келмекте.

«Тым-тырыс уйқылап қалған» Нөкис қаласы ҳәкимиятының рәсмий сайты «оянды»!

Бирақ, ҳәкимият сайтында елеге шекем Нөкис қаласы ҳәкими етип Жалғасбай Опаев көрсетилген.

«Тым-тырыс уйқылап қалған» Нөкис қаласы ҳәкимиятының рәсмий сайты «оянды»!

 

Нөкис қаласы ҳәкимияты рәсмий сайтында қәте-кемшиликлерди сапластырып, буннан кейин сайт жумысын жақсы жолға қойыўын күтемиз. Ал, ҳәкимият сайтларына қараўға «қолы тиймей» жүрген ҳәкимлерин Қанлыкөл, Шоманай, Елликқала, Әмиўдәрья (оларда еки сайт бар), Шымбай, Тахтакөпир районларынан өрнек алыўға шақырып қаламыз.

 

Лола Қаллыханова

журналист

скачать dle 10.6фильмы бесплатно



  • 14-11-2017, 12:25 |
  • 1 000