Бирден-бир порталда бина ҳәм имаратлардың сыртқы көринисин өзгертиўди келисиў хызмети иске түсирилди

Бирден-бир интерактив мәмлекет хызметлери порталында бина ҳәм имаратлардың сыртқы көринислерин өзгертиўди (фасадын оңлаўды) келисиў жаңа интерактив мәмлекет хызмети иске түсирилди, деп хабар берилди порталдың рәсмий сайтында. Хызмет Өзбекистан Республикасы Мәмлекет Архитектура ҳәм қурылыс комитети тәрепинен Өзбекистан Республикасы аймағы бойынша физикалық ҳәм юридикалық шахслар ушын усынылады.
Бирден-бир порталда бина ҳәм имаратлардың сыртқы көринисин өзгертиўди келисиў хызмети иске түсирилди

Бул хызметтен пайдаланыў процессинде бина ҳәм имарат фасадының эскиз жойбарын электрон формада жибериў керек. Арзаны дизимге алған күннен баслап, 5 жумыс күни даўамында инспектор көрсетилген мәнзилге объектти үйрениў ушын барады.
Бул хызметтиң нәтийжеси – бина ҳам имарат фасадының эскиз жойбарын тастыйықлаў ҳаққында хабарды алыў (1 жумыс күни мүддетинде) есапланады. Еслетип өтемиз, арза бериўши тәрепинен усынылған бина ҳәм имарат фасадының эскиз жойбары талапларға жуўап бермесе, сондай-ақ бина ҳәм имаратларды үйрениў нәтийжесинен келип шығып тийкарланған унамсыз жуўмақ хызметти алыўды бийкарлаўының себепшиси болыўы мүмкин.
Ўәкилликли орган тәрепинен бина ҳәм имараттың сыртқы көринисин өзгертиўди келисиў ҳаққындағы арзаны көрип шығыў ушын Өзбекистан Республикасы Министрлер Кабинетиниң «Қала салыў жумысы ҳәм аўыл хожалығынан басқа мүтәжликлер ушын жер участкаларын бериўдиң, бина ҳәм имаратлардың сыртқы көринисин өзгертиўди (фасатты оңлаўды» келисиўдиң, сондай-ақ объектти қайта қәнийгелестириў ҳәм реконструкциялаўға, турар жайды натурар жай түрине өткериўге рухсатнамалар бериўдиң улыўма белгиленген тәртибин еле де әпиўайыластырыў илажлары ҳаққында»ғы 2016-жыл 9-марттағы 70-санлы қарарына муўапық жыйым өндирилмейди.

Фото: Ягона портал
скачать dle 10.6фильмы бесплатно



  • 30-12-2016, 17:01 |
  • 408