Россия темир жоллары Өзбекистан темир жолларына 50% шегирме енгизди

Россия темир жоллары 2019-жылға шекем Өзбекистан ҳәм Тәжикистаннан рефрижератор қурамларда алып келинетуғын мийўе-палыз импорт тасыўлары ушын 50%ли шеригме енгизди.

«Өзбекистан ҳәм Тәжикстан Республикаларынан «Ўзбекистон темир йўллари» АЖ ҳәм «Роҳи оҳани Точикистон» МУКқа қараслы рефрижератор қурамларда мийўе-палыз өнимлерин Россия Федерациясына темир жол арқалы туўрыдан-туўры импорт тасыўлары ушын бар тарифлерге 0,5 төменлеўши коэффициент енгизилсин», - делинген басқарыў қарарында.

Атап өтилиўинше, бул коэффициент усы мәмлекетлерге тийисли рефрижератор қурамлардан пайдаланыўда РТЖ төлемлерден азат етилген ҳалда әмел етеди.

«Коэффициент орнатылған тәртипте күшке киреди ҳәм 2018-жылдың 31-декабрине шекем әмел етеди», - делинген хабарда.

Басқарыў жыйналысы баянламасы 3-ноябрьде тастыйықланған ҳәм жума күни жәрияланған. Россия темир жолы ишки ҳүжжет жүргизиўине бола, жүк тасыў бойынша темир жол транспорты хызмети ушын тарифлерди төменлетиў ҳаққындағы РТЖ басқарыўы қарары ол компания рәсмий сайтында жәрияланғаннан 10 күн өтип күшке киреди, - деп жазады Sputnik.

скачать dle 10.6фильмы бесплатно



  • 10-11-2017, 15:41 |
  • 215