Өзбекистанда айдаўшылар ушын мәжбүрий оқыў курслары баҳасы жәрияланды

Министрлер Кабинетиниң 2017-жыл 4-сентябрь күни 693-санлы «Оқытыўдың инновациялық усылларын енгизиў жолы менен айдаўшыларды таярлаў ҳәм қайта таярлаў, сондай-ақ, тәжирийбесин арттырыў системасын еле де жетилистириў ҳаққында»ғы қарары жәрияланған еди.

Ҳүжжетке муўапық, 2018-жылдың 1-январынан баслап юридикалық шахсларға тийисли болған автотранспорт қураллары айдаўшылары 2 жылда 1 мәрте тәжирийбе арттырыў шынығыўларын өтиўлери шәрт.

Автомобиль айдаўшылары тәжирийбесин арттырыў бойынша арнаўлы ҳуқыққа ийе болған «Avtotest» компаниясы өз режелери ҳаққында мәлим етти.

Еслетип өтемиз, 2018-жылдың 1-январынан юридикалық шахслардың автотранспорт қуралларын басқарыўшы шахслар тәжирийбесин арттырыў тәртиби, «Avtotest Report» ЖШЖ оқыў комплексин Өзбекистан Республикасында усы тәжирийбени арттырыў искерлигин әмелге асырыў бойынша арнаўлы ҳуқыққа ийе компания сыпатында белгиленген ҳалда енгизиў кереклиги ҳаққында қарар қабылланды.

Avtotest ўәкиллери бул бағдарда өз режелери менен таныстырды. Мәлим етилиўинше, ислеп шығыўшылар курсларды илажи барынша нәтийжели еткен. Курслар күнине үш саатқа шекем болып, тек ғана бир ҳәпте даўам етеди. Оқытыў баҳасы – ең кем ис ҳақысының еки есесине (299 мың 550 сўм) тең.

Шынығыўларда курслар ушын арнаўлы ислеп шығылған Avtotest 3.0 бағдарламасынан ҳәм мультимедиа қуралларынан актив пайдаланылады.

Avtotest орайларын жаратыў ҳәм раўажландырыўға 25 млрд. сўмнан артық қаржы жумсалады. Орайларда мыңнан артық жумыс орынлары жаратылады.

Еслетип өтемиз, өткен жылы юридикалық шахсларға тийисли транспорт қураллары қатнасыўында 972 ЖТҲ жүз берген. Нәтийжеде 1500 ден артық адам жарақатланған, 357 адам өмирден көз жумған, деп жазады asr.uz.

скачать dle 10.6фильмы бесплатно



  • 7-11-2017, 15:49 |
  • 451