Семинар: “Суд басқарыўшылардың билимин арттырыў”

Семинар: “Суд басқарыўшылардың билимин арттырыў”

Өзбекистан Республикасы Меншиклестириў, монополиядан шығарыў ҳәм бәсекиликти раўажландырыў мәмлекетлик комитетиниң 16.01.2017-жылғы Кеңейтирилген Мәжлисиндеги тапсырмаларды орынлаў мақсетинде, Усы жылдың 27-январь күни Қарақалпақстан Республикасы Бәсекилик комитети мәжилислер залында, Қарақалпақстан Республикасы Меншиклестириў, монополиядан шығарыў ҳәм бәсекиликти раўажландырыў комитети ҳәм Қарақалпақстан Республикасы Хожалық Суды менен биргеликте “Суд басқарыўшылардың билимин арттырыў” ҳәм Өзбекистан Республикасы “Банкротлық ҳаққында”ғы Нызам ҳәм Нызам асты ҳүжжетлерин банкротлық процедураларында дурыс қоллаўға арналған оқыў-әмелий семинар болып өтти.
Оқыў-семинарда Қарақалпақстан Республикасы Бәсекилик Комитети баслығы ў.ў.а – Қайраддинов Ажинияз Кеңесбаевич, Қарақалпақстан Республикасы Хожалық Суды судясы Ешназарова Гулистан Алланазаровна, Қарақалпақстан Республикасы Бәсекилик Комитети Банкротлық, сыртқы басқарыў ҳәм суд басқарыўшылар ҳәрекетин қадағалаў мәселелери бөлими баслығы Төреев Бахтыбай Барлықбаевич, “Суд басқарыўшылар ассоциациясы” Қарақалпақстан регионаллық бөлими баслығы Утегенов Бахытбек Ауесбаевич, комитет хызметкерлери, салық инспекциясы хызметкерлери ҳәм суд басқарыўшылары қатнасты.
Семинар: “Суд басқарыўшылардың билимин арттырыў”

Мәжлисте Қарақалпақстан Республикасы Хожалық Суды судясы Ешназарова Гулистан Алланазаровна Өзбекистан Республикасы “Банкротлық ҳаққында”ғы ҳәм Өзбекистан Республикасы Жоқарғы Хожалық Суды пленум қарарлары менен мәжилис қатнасыўшыларын жақыннан таныстырды ҳәм сапластырыў өндириси ашылған банкрот кәрханаларда Нызамшылық нормаларын дурыс қоллаўда өзиниң пикирлерин усынды.
Мәжилисте Қарақалпақстан Республикасы Бәсекилик Комитети Банкротлық, сыртқы басқарыў ҳәм суд басқарыўшылар ҳәрекетин қадағалаў мәселелери бөлими баслығы Төреев Бахтыбай Барлықбаевич сөзге шығып, мәжилис қатнасыўшыларын Өзбекистан Республикасы “Банкротлық ҳаққында”ғы нызамға киритилген соңғы өзгерислер менен таныстырды ҳәм суд басқарыўшыларға, банкрот деп табылып сапластырыў өндириси ашылған кәрханаларда биринши нәўбетте кәрхананы қайта тиклеў ис-иләжларын көриў, егер кәрхананы қайта тиклеў имкәнияты болмаған жағдайда Нызам талапларына тийкарланып сапластырыў өндирисин қысқа мүддетлерде жуўмақлап, мәмлекетлик дизимнен шығарыўды усыныс етти.
Мәжилисте суд басқарыўшылар Қарақалпақстан Республикасы Бәсекилик Комитети баслығына, Хожалық Суды судясына ҳәм тараў қәнийгелерине өзиниң қызықтырған сараўларын берип оларға жуўаплар алды. Соның менен бирге Суд басқарыўшылар тараў қәнийгелери менен өз пикирлерин бөлисти.

Ибраҳим Бабажанов
Қарақалпақстан Республикасы Меншиклестириў,
монополиядан шығарыў ҳәм бәсекиликти
раўажландырыў комитети бас қәнийгеси
скачать dle 10.6фильмы бесплатно



  • 28-01-2017, 11:02 |
  • 348