Жаңа үлгидеги айдаўшылық гүўалығы ҳәм автомотранспорт қуралын дизимнен өткериў гүўалығы ушын төлем ставкалары белгиленди

Жаңа үлгидеги айдаўшылық гүўалығы ҳәм автомотранспорт қуралын дизимнен өткериў гүўалығы ушын төлем ставкалары белгиленди

 

Әдиллик министрлиги тәрепинен Ишки ислер министрлигиниң автомототранспорт қураллары гүўалықлары ҳәм айдаўшылық гүўалықлары ушын төлемлер ставкалары мәмлекет дизиминен өткерилди.

Усы жылдың 1-октябринен баслап халық аралық стандартлар тийкарында пластиктен таярланған жаңа үлгидеги айдаўшылық гүўалығы ҳәм автомототранспорт қуралы дизимнен өткерилгенлиги ҳаққындағы гүўалық берилмекте.

Усы гүўалықларды халық аралық стандартлар тийкарында таярлаў қәрежетлерин есапқа алып, автомототранспорт қуралы дизимнен өткерилгенлиги ҳаққында гүўалықты бериў ушын Ең кем ис ҳақының 70% муғдарында (104 842 сўм 50 тыйын), сондай-ақ, айдаўшылық гүўалығын бериў ушын Ең кем ис ҳақының 70% муғдарында (104 842 сўм 50 тыйын) төлем өндирилиўи белгиленди.

Жаңа үлгидеги гүўалықлар арнаўлы қорғаў қуралына ҳәм мағлыўматларды туўрыдан-туўры байланыссыз әмелге асырыў имканын бериўши арнаўлы электрон белгилерге (NFC Смарт-карт) ийе болып, оларда физикалық шахстың жеке идентификация номери, юридикалық шахслар ушын болса салық төлеўшиниң идентификация номери (СТИР) сақланады.

Жаңа үлгидеги айдаўшылық гүўалығы 10 жыл мүддетке бериледи. Әмелдеги айдаўшылық гүўалықларын жаңа үлгидеги айдаўшылық гүўалықларына алмастырыў 2017-жыл 1-октябрь – 2018-жыл 31-декабрь дәўиринде ықтыярлы, 2019-жыл 1-январь – 2020-жыл 31-декабрь дәўиринде мәжбүрий тәртипте әмелге асырылады. Автомототранспорт қуралы дизимнен өткерилгени ҳаққындағы гүўалықты жаңа үлгидеги гүўалыққа алмастырыў 2017-2020-жыллар даўамында басқышпа-басқыш – автомототранспорт қуралын мәжбүрий техникалық тексериўден өткериўде әмелге асырылады.

 

 

скачать dle 10.6фильмы бесплатно



  • 19-10-2017, 09:20 |
  • 276