Автотранспорт қураллары дизимнен өткерилгенлиги ҳаққындағы гүўалықты бериў ушын төлем өзгерди

 Өзбекистан Республикасы Ишки ислер министриниң буйрығы менен дизимнен өткериў мәмлекетлик номери  белгилерин ҳәм турақлы есаптағы бланкаларды бериўде, автотрнспорт қураллары, олардың тиркемелери (ярым тиркемелери)н дизимнен өткериўде, қайта дизмнен өткериўде, мәжбүрий техникалық көриктен өткериўде, сондай-ақ имтиҳанларды алыўда өндирилетуғын төлемлер ставкаларын тастыйықлаў ҳаққындағы буйрыққа өзгерислер ҳәм қосымшалар киритилди.

Киритилген өзгерислер ҳәм қосымшаға көре, буйрықтағы «ҳәмде Өзбекистан Республикасы Министрлер Кабинетиниң 1997-жыл 26-майдағы 256-санлы «Автомототранспорт қуралларын дизимнен өткериў, қайта дизимнен өткериў ҳәм олардың есабын алып барыў, миллий мәмлекетлик номери белгилерин бериў ҳәм оларды алмастырыў жумысларын тәртипке салыў ҳаққында»ғы деген сөзлер шығарып тасланды.

Буйрықта:

А) 8-бәнт төмендегише баян етилген:

  1. Автомототранспорт қуралы дизимнен өткерилгенлиги ҳаққындағы гүўалықты бериў ушын – ең кем ис ҳақысының 70 проценти муғдарында.

Б) Төмендеги мазмундағы 8-1-бәнт пенен толтырылды:

8-1. Автомототранспорт қуралын дизимнен өткериў ҳаққында ўақытша гүўалықты бериў ушын – ең кем ис ҳақысының 20 проценти муғдарында.

В) 8-бәнттиң сыпатламасы төменде баян етилген:

Сыпатлама:

Жарамсыз жағдайға келген, зыянланған яки урланған автомототранспорт қуралы дизимнен өткерилгенлиги ҳаққында гүўалық дубликатын бериў ушын ең кем ис ҳақысының 70 проценти муғдарында төлем өндириледи;

Жойтылған автомототранспорт қуралы дизимнен өткерилгенлиги ҳаққында гүўалық дубликатын бериў ушын ең кем ис ҳақысының 1 есеси муғдарында төлем өндириледи;

Жойтылған автомототранспорт қуралын дизимнен өткериў ҳаққында ўақытша гүўалық дубликатын бериў ушын белгиленген төлем ставкасының 5 есеси муғдарында өндириледи.

Г) 15-бәнттеги «20 проценти» деген сөзлер «70 проценти» деген сөзлер менен алмастырылды.

Д) 16-бәнт төмендегише баян етилген:

«16. Жойтылған айдаўшылық гүўалығы орнына ўақытша рухсатнама бериў ушын – ең кем ис ҳақысының 10 проценти муғдарында».

 

скачать dle 10.6фильмы бесплатно



  • 18-10-2017, 11:23 |
  • 297