Сырдәрьяда реңли принтерден шығарылған 50 мың сўмлық купюраны өткергенлер усланды

Сырдәрьяда реңли принтерден шығарылған 50 мың сўмлық купюраны өткергенлер усланды

15-октябрь күни Ҳошимжонова К. атлы пуқара Ақалтын районы ИИБға мүрәжат еткен, деп хабар берди Сырдәрья ўәлаяты ИИБ.

Арзасында сол күни саат 23-30ларда, өзине тийисли болған Ақалтын районы, «Қамбарова Ойша» ЖТИ саўда дүканында саўда ислеп атырған ўақтында Epica маркалы, 10 N 110 FA мәмлекет номериндеги автомашинада төрт белгисиз шахс келип, оннан 26 000 сўмға зат сатып алып, төлем ушын 50 000 сўмлық купюра берип кеткенин, олар кеткенинен соң 50 000 сўмлық купюра ҳақыйқый екенине гүман туўылып, бул ҳаққында ИИБ хызметшилерине хабар бергенин мәлим еткен.

Алып барылған оператив тергеў ислери нәтйижесинде усы жағдай бойынша гүманда болған Мирзараҳматов Улуғбек, Носиров Фарҳод, Абдураҳимов Азиз ҳәм Гилязов Фарҳодлар усланған.

Сондай-ақ, тергеў ўақтында У.Мирзараҳматов, Ф.Носиров, А.Абдураҳимов ҳәм Ф.Гилязовлар Ташкент ўәлаяты, Чиноз районы, Яллама МПЖ аймағында жайласқан «Балық» чайханасында аўқатланып, 235 000 сўм ишине 1 дана өтирик 50 000 сўмлық купюраны қосып, төлем еткени анықланып, усы купюра айғақлы зат сыпатында алынған.

Ўәлаят ИИБ 812-санлы жуўмағында, усынылған 2 дана серия номерлери бирдей болған АW 1617005 серия номерли 50 000 сўмлық купюралар

бүркиўши реңли принтерда исленгени, бул технология Өзбекистан миллий валютасын ислеп шығарыў технологиясына сәйкес келмейтуғыны көрсетилген.

Усы жағдай бойынша Ақалтын районы ИИБ жанындағы Тергеў бөлими тәрепинен У.А.Мирзараҳматов ҳәм оның жынайый шериклерине Өзбекистан Республикасы ЖКниң 176-статьясы 2-бөлим «а» бәнти (өтирик пул ислеў ҳәм оларды өткериў) менен жынаят иси ашылып, тергеў ҳәрекетлери алып барылмақта.

скачать dle 10.6фильмы бесплатно



  • 17-10-2017, 13:31 |
  • 593