Жумыссызлар жәмәәт ислерине тартылып, оларға айлық төленеди (айлық көрсеткиши)

Министрлер Кабинети тәрепинен «Өзбекистан Республикасы Бәнтлик ҳәм мийнет қатнасыклары министрлиги жанындағы Жәмәәт ислери фонды жумысын шөлкемлестириў ҳаққында»ғы қарарда мәлим етилиўинше, Жәмәәт ислери фондының қаржылары есабынан ҳақы төленетуғын жәмәәт ислери жумыссыз халықты басқышпа-басқыш тартыў режеси тастыйықланды.

 

Бәнт болмаған шахслар ямаса жумыссыз адамларды ўақтынша айлық (мийнет дәраматы) менен тәмийинлеў ҳәм оларды жумыс излеў дәўиринде материаллық қоллап-қуўатлаў, кәсипке ийе болмаған биринши мәрте жумыс излеўши шахсларды мийнет искерлигин тартыў мақсетинде социаллық тараўда жаңа имканият пайда болмақта.

 

Сондай-ақ, түрли себеплерге бола (алдын бала тәрбиясы, наўқас ҳәм қартайған шаңарақ ағзаларына қараў, жазаны атқарыў мекемелеринен азат етилген ҳәм басқа себеплерге бола) узақ тәнепистен соң кәсиплик искерлик пенен шуғылланбаған шахслар мийнетин реабилитациялаў жолға қойылмақта.

 

Енди жумыс пенен тәмийинленбеген халық ўәкиллери жәмәәт ислерине тартылған ҳалда орынлаған жумысы ушын рәсмий айлық алыўы мүмкин. Ҳақы төленетуғын жәмәәт ислерин әмелге асырыў төмендегише шөлкемлестириледи:

 

- бюджет шөлкемлери ҳәм пуқаралардың өзин-өзи басқарыў органлары тәрепинен - жәмәәт ислерине тартылған жумыссыз ҳәм бәнт болмаған шахслардың ис ҳақы бойынша төлемлер 100% муғдарда;

 

- басқа шөлкемлер, исбилерменлик субъектлери, мәмлекетлик емес коммерциялық шөлкемлери тәрепинен - жәмәәт ислерине тартылған жумыссыз ҳәм бәнт болмаған шахслардың жумыс ҳақы бойынша 50% муғдарында Жәмәәт ислери фонды қаржыларынан қапланады.

 

Әпиўайыластырып айтқанда, бюджет шөлкеми, жергиликли ҳәм усы сыяқлы мекемелерде ҳақы төленетуғын жәмәәт ислери менен бәнт болған халыққа Фонд есабынан 100% айлық ажыратылады. Мәмлекетлик емес шөлкемлер, жеке исбилерменлик ҳәм кәрханада шөлкемлестирилген жәмәәт ислеринде қатнасқан жумысшының айлығы Фонд тәрепинен 50%ке қаплап бериледи, буннан тысқары, 50% айлықты жумыс орнының өзинде қабыллап алыўы белгиленген.

 

Ҳақы төленетуғын жәмәәт ислерине көби менен Ең кем айлық ис ҳақының бес есесинде (750 мың сўм), ең кем муғдары 370,842 сўм ҳақы төлениўи белгиленген.

 

 

скачать dle 10.6фильмы бесплатно



  • 13-10-2017, 17:54 |
  • 337