Көп қабатлы үйлерде өзбасымшалық пенен антенна ҳәм кондиционерлер орнатыў қадаған етиледи

 

Көп қабатлы үйлерде өзбасымшалық пенен антенна ҳәм кондиционерлер орнатыў қадаған етиледи

 

Парламенттиң төменги палатасы депутатлары «Көп квартиралы үйлерде турар жайлардан, улыўмалық мүлкден пайдаланыў ҳәм оларды сақлаў тәртиби ҳаққында» нызам жойбарын ислеп шықты. Бул ҳаққында asr.uz сайты хабар бермекте.

Жаңа нызамда көп қабатлы үйлердиң алдынғы бөлими архитектурасын өзбасымшалық пенен өзгертиў ҳәм нызамсыз рәўиште қосымша қурылыслардың алдын алыў мәселелери нәзерде тутылған.

Әсиресе, усы ҳүжжет жеке мүлкке ийе мәкемелер жумыс искерлигине тийисли. Тийкарынан, усы нызам менен көпқаналы үйлерде улыўма мүлкти техникалық ҳәм санитариялық қорғаў, әтирапты абадансастырыў, балалардың қәўипсиз ҳәм заманагөй ойын майданшалары қурылмаларын қурыўды тәртипке салыў нәзерде тутылған. Буннан тысқары, нызамда санитария-эпидемиологиялық ҳәм техникалық, өрт қәўипсизлиги талапларына әмел етиў мәселелери белгиленген.

Соның менен бирге, коңсылардың ҳуқықларын итибарға алған ҳалда квартиралар ишинде оңлаў жумысларын әмелге асырыў тәртип кағыйдалары баян етилген. Сондай-ақ депутатлар нызам жойбарына қайта қурыў ўақтында квартираларды нызамсыз рәўиште өзгертиў, үйлерде өзбасымшалық пенен қосымша қурылысты пайда етиў, шахта ҳәм каналларды қайта өзгертиў, көп қабатлы үй тамларын ҳәм алдынғы бөлимлерине нызамсыз рәўиште антенна, кондиционер ҳәм басқа қурылмаларды орнатыўдың алдын алыў бойынша нормаларды киргизиўди усыныс етпекте.

скачать dle 10.6фильмы бесплатно



  • 13-10-2017, 16:26 |
  • 863