БМШның арнаўлы делегациясы Қарақалпақстанға келди. Олар Жаслықтағы жазаны өтеў колониясында да болды

Қарақалпақстан хабар агентлигиниң мәлим етиўинше, Бирлескен Миллетлер Шөлкеминиң Инсан ҳуқықлары бойынша кеңесиниң Дин ямаса исеним еркинликлери бойынша арнаўлы баянатшысы Ахмед Шахид басшылығындағы делегация республикамызға келди. Нөкис аэропортында жоқары мәртебели мийманды Қарақалпақстан Республикасы Министрлер Кеңесиниң Баслығы Қ.Сариев ҳәм пайтахт жәмийетшилиги жыллы жүзлилик пенен күтип алды.

Делегацияның мақсети Республикамызда инсан ҳуқықлары, Дин ҳәм исеним еркинликлерин тәмийинлеў бағдарында алып барылып атырған жумыслар ҳәм бул бағдарда ерисилип атырған унамлы жетискенликлер менен танысыўдан ибарат.

Делегация ағзалары Қарақалпақстан Республикасы Жоқарғы Кеңесиниң Баслығы М.Ерниязовтың қабыллаўында болды.

Делегация ағзалары Қарақалпақстан Республикасы Министрлер Кеңесиниң атқарыўшы уйым сыпатында алып барып атырған жумыслары менен танысты. Өзбекистан Республикасы Президентиниң пайтахтымыздағы Халық қабыллаўханасындағы пуқаралардың мүрәжатлары менен ислесиўдиң ҳуқықый тийкарлары, пуқаралардың ҳуқық ҳәм мәплерин тәмийинлеў барысында алып барылып атырған жумыслар және бул жерде пуқараларды қабыл етиў ушын жаратылған шараятлар ҳәм мүрәжатларды көрип шығыў процеси менен танысты.

Cапар даўамында мийманлар Қонырат районы Жаслық елатында жайласқан Қарақалпақстан Республикасы Ишки ислер министрлиги жазаны атқарыў бөлими УЯ-64/71-санлы жазаны өтеў колониясында да болды.

Сапар соңында делегация ағзалары пайтахтымыздағы мешиттиң қурылысы ҳәм әтирапында жүргизилип атырған абаданластырыў жумыслары менен танысты және «Саҳра Лувры» аты менен дүньяға белгили болған И.В.Савицкий атындағы Қарақалпақ мәмлекетлик көркем өнер музейиндеги экспонатларды үлкен қызығыўшылық пенен көзден өткерди. Усы күнниң өзинде делегация ағзалары Нөкистен Ташкентке жөнеп кетти.

 

 

скачать dle 10.6фильмы бесплатно



  • 11-10-2017, 13:25 |
  • 224