Республикамыз аймағында 53 мың гектар майданға гүзлик бийдай егиў режелестирилген

Өзбекистан Республикасы Президентиниң 2017-жыл 15-сентябрдеги ҳәм Қарақалпақстан Республикасы Министрлер Кеңесиниң усы жыл 21-сентябрдеги қарарлары тийкарында Қарақалпақстан Республикасы районларында 2017-2018-жылларда гүзлик бийдай жетистириў бойынша бир қанша жумыслар әмелге асырылып атыр.

Республикамызда бийдай орым жыйымы мәўсиминде фермерлеримиз мәмлекетлик жобаларын артығы менен орынлап, гүзги бийдай егиў жумысларын табыслы жуўмақлады. Исленип атырған жумыслар ҳаққында Қарақалпақстан Республикасы Аўыл ҳәм суў хожалығы министрлиги ғәллешиликти раўажландырыў бөлим баслығы Робиль Бекниязов пенен сәўбетлестик. - 2017-жыл ушын 53 мың гектар оптимал мүддетлерде гүзлик бийдай егилип мәўсим даўамында барлық зәрүр агротехникалық иләжларды өз ўақтында әмелге асырылыў ҳәмде орым жыйым мәўсиминиң шөлкемлескенлик пенен өткерилиўи нәтийжесинде 193 мың 830 тонна дән ислеп шығарылып, соннан мәмлекетке 89 мың 529 тонна яғный қосымша 4 мың тоннадан аслам дән тапсырылды. Республикамыз аймағында 53 мың гектар майданға гүзлик бийдай егиў режелестирилди. Бул жумысларды шөлкемлескенлик пенен өткериў мақсетинде ис-илажлар ислеп шығылды. Егис жумыслары август айының биринши он күнлигинен басланып сентябрь айының 27-сәнесинде толығы менен егис жумыслары жуўмақланып егистен кейин бир мәртебе толығы менен суўғарыў жумыслары әмелге асырылды, деди ол.

Егилген майданларда белгиленген агротехникалық илажлардың өз ўақтында әмелге асырыўдың барлық илажлары көрилмекте.

 

Шаригул Бектурсынова

Бердақ атындағы Қарақалпақ мәмлекетлик университети студенти

скачать dle 10.6фильмы бесплатно



  • 5-10-2017, 17:13 |
  • 173