Қандай жағдайларда Ишки ислер органлары хызметкерлерине хызмет үй-жайлары бериледи?

Министрлер Кабинетиниң  2017-жыл  26-сентябрьдеги 765-санлы қарары менен Ишки ислер органларының хызмет үй-жайлары фондын қәлиплестириў ҳәм оннан пайдаланыў тәртиби ҳаққындағы нызам қабылланды. Бул ҳаққында Norma.uz хабар бермекте.

Ҳужжет  төмендеги тәртипти белгилейди:

- хызмет үй жайларын ҳәм үй-жайға яки жасаў шәраятларын жақсылаўға  мүтәж хызметкерлерди есапқа алыў;

- хызметкерлерге хызмет үй-жайларын ҳәм жеке тәртипте үй-жай қурыў ушын жер участкасын бериў;

- хызмет үй-жайлары ушын ордерлерин бериў, тоқтатып турыў яки сақлаў.

Үй-жай яки жасаў жағдайларын жақсылаўға мүтәж хызметкерлерди есапқа алыў, сондай-ақ үй-жайларын бөлистириў менен тийисли түрде Ишки ислер министирлиги орайлық аппаратының ҳәм аймақлық Ишки Ислер органларының үй-жай хожалық комиссиялары  шуғылланады. Олардың қурамы, ҳуқық ҳәм мәжбуриятлары жумысын әмелге асырыў ҳәмде олардың жумысын  бақлаў тәртиби ишки ислер министирлиги буйрығы менен белгиленди.

Хызметшилерге хызмет орны бойынша хызмет үй-жайын бериў бойынша шәрт-шараятлар белгиленди.

- Егер хызметши яки оның шаңарағы үй-жай мүлкине ийе болмаса ҳәм кирейге алмаса;

- Егер үй-жайы болса (мүлкинде ямаса ижараға), бирақ ол хызмет орнынан 60 км ҳәм оннан алыста жайласқан болса;

- Егер үй-жайының улыўма майданы 1 шаңарақ ағзалары ушын белгиленген социяллық нормадан төмен болса (есаплаўда хызметшиниң қосымша үй-жай майданына ҳукықы есапқа алынады);

- Егер хызметши айырым созылмалы кеселликлердиң аўыр түрлери менен кеселленген наўқаслары болған басқа шаңарақлар да жасап атырған ҳәм олар менен биргеликте жасаў мүмкиншилиги болмаған квартираларда жасаса;

- Егер хызметши туўысқан болмаған еки ҳәм оннан артық шанарақ жасайтуғын, айрықша бөлинбеген қоңсы ханаларда жасаса.  

Хызмет үй-жайы кирей шәртнамасы тийкарында бериледи ҳәм нәўбет тәртибине қарап бөлистириледи. Хызмет үй-жайы бөлинбейди ҳәм алмастырылмайды, сондай-­ақ меншиклестирилмейди, буған айырым жағдайлар кирмейди.

Ҳүжжет 28.09.2017-жылдан баслап күшке кирди.

скачать dle 10.6фильмы бесплатно



  • 2-10-2017, 15:00 |
  • 691