Өзбекистанда ҳәпте соңында ҳаўа температурасы 0 дәрежеге шекем суўытыўы күтилмекте

Өзбекистанда ҳәпте соңында ҳаўа температурасы  0 дәрежеге шекем суўытыўы күтилмекте

 

Усы ҳәптениң соңында Өзбекистанда ҳаўа температурасы кескин түсиўи мүмкин. Өзбекистан Айрықша жағдайлар министрлиги баспасөз хызметиниң берген мағлыўматына қарағанда, 28-сентябрь күнинен мәмлекет аймағында арқадан суўық ҳаўа ағымы кирип келеди.

«28-30-сентябрь ҳәм 1-октябрь күнлери Өзбекистан Республикасы аймағында Қазақстан Республикасы ҳәм Повольже арқалы Европаның Россия бөлегинде (Москва ўәлаятында) пайда болған ығал, суўық ҳаўа массасы кирип келиўи күтилмекте», - делинген хабарда.

28-30-сентябрь күнлери Республика аймағында ўақты-ўақты менен жамғыр жаўыўы, самал тезлиги 15-20м/с, (55-75 км/саат) шекем күшейиўи күтилмекте. 28-30-сентябрь күнлеринде ҳаўа температурасы күндиз 15-20 дәреже жыллы, 30-сентябрь ҳәм 1-октябрь күнлери кеште 3-8 дәреже жыллы, ўақты-ўақты менен 0 дәрежеге шекем суўытыўы күтилмекте.

Соның менен бирге, ҳәпте соңында Республиканың таў алды ҳәм таўлы аймақларында сел көшиў қәўпи бар.

Фото: Дамир Бакиров

 

скачать dle 10.6фильмы бесплатно



  • 27-09-2017, 16:17 |
  • 229