GM Uzbekistan 45 минутта автомобиль ийелерин анықлайды

GM Uzbekistan компаниясының рәсмий сайтында «45 минут ишинде автомобиль!» деп аталған жаңа рубрика ашылды.

Усы бөлимде «45 минут ишинде автомобиль!» бағдарламасы шеңберинде сатыўға қойылған автомобиллер дизими менен танысыў мүмкин. Қарыйдар автомобиль ушын төлеўди әмелге асырған ўақыттың өзинде оның ийесине айланады. Дизим ҳәр күни жаңаланып барылады.

Бул бағдарлама тийкарында автомобиль сатып алыўды қәлегенлер шәртнама дүзиў ушын дилерлик кәрханаларына туўрыдан-туўры мүрәжат етиўлери мүмкин, – делинген GM Uzbekistan сайты хабарында.

Бағдарлама шеңбериндеги кестеден GM Uzbekistan’дағы барлық дилерлери орын алған болып, оларда ҳәр бир дилер қәлеўинде 45 минут ишинде сатып алыў мүмкин болған Matiz, Spark, Nexia 3, Cobalt ҳәм Lacetti автомобиллери саны көрсетилген. Компания автомобиллер саны шекленгенлигин де қосымша қылған.

Егер дилер қәлеўинде «45 минутта автомобиль!» бағдарламасы шеңберинде сатылатуғын автомобиллер қалмаған болса, қарыйдар кейинги айлар есабынан берилетуғын автомобиль ушын электрон буйрытпа рәсмийлестириўи мүмкин болады.

скачать dle 10.6фильмы бесплатно



  • 27-09-2017, 11:43 |
  • 409