Хабарландырыў: Шымбайдың Тағжап АПЖ аймағынан 45-60 жаслардағы ер адамның өли денеси табылды. Шахсын анықлаўға жәрдем соралмақта

 

Қарақалпақстан Республикасы Ишки ислер министрлиги Шымбай районы Ишки ислер бөлими хабарлайды.

 

15-сентябрь күни саат 16:45лер шамасында  Шымбай районы Тағжап АПЖ аймағының «Руслан-Нурлан» фермер хожалығы қасынан ағып өтип турған Кегейли каналының суўдың шетинде терекке илинип турған жасы шама менен 45-60лардағы, жергиликли миллетке уқсас шахсы белгисиз ер адамның дене жарақатларысыз өли денеси табылды.

Шахсы нәмалим өли денениң белгилери: Бойы 169 см, ири геўдели, жүзи домалақтан келген, шашы тықырлап алынған.

Кийимлери: Үстинде тек ғана көкшил реңли, сызық түскен, белинде резинкасы қара болған иш кийими бар.

Айрықша белгилери: Шеп қолының бас бармағы менен көрсеткиш бармағы арасында «қус»қа уқсас ҳәм шеп қолының ийнинде «корабль»ге уқсас татуировкасы бар, аўыз қуўыслығының жоқарғы жағында 10 дана сары тиси, төменги жағында 5 дана өзиниң тислери бар.

 

Жоқарыда көрсетилген белгилер бойынша шахсты таныйтуғынлар болса 8 (361) 444-27-97, (90) 575-02-22 телефон номерлерине хабар бериўин сорайды.

 

 

Шымбай районы ИИБ баслығы подполковник          Б.Х.Шаханов

 

Шымбай районы прокуроры әдиллик аға кеңесшиси            М.У.Арзымбетов

скачать dle 10.6фильмы бесплатно



  • 18-09-2017, 12:11 |
  • 564