Өзбекистан Жәҳан пуқаралық индексинде 116-орында

Швейцарияның Henley & Partners компаниясы ҳәр жылы  Жәҳан пуқаралық индексин шөлкемлестиреди. Гезектеги, рейтингде Өзбекистан 26,8 процент пенен 116-орынды ийеледи. Компания басылымында сол ҳаққында хабар берди. 

Рейтингди дүзиўде мәмлекет эканомикасы, инсанийлық потенциалының раўажланыў дәрежеси, жәмәәтшилик тәртиби ҳәм қысқа мүддетли  визасыз сапарларды әмелге асырыў ҳәм сырт елде  визасыз жасаў имканияты ҳәм басқа көрсеткишлер есапқа алынады.

Рейтингге муўапық, Германия бул бойынша жетекши – ол 2017-жылы  82,7 % топлаўға еристи. 

Айтып өтиў керек,  рейтингде жоқары орынларды Европа мәмлекетлери ийелеген. АҚШ 29-орында 68,8 % көрсеткиш пенен белгиленген.

Қазақстан 85-орын, Азирбайжан- 107-орын, Қырғызстан 110-орында, Тәжикстан 121-орында турыпты. 

Дизимди Қубла  Африка республикасы  ҳәм  Аўғаныстан жуўмақлайды. 

 

Фото: kun.uz


скачать dle 10.6фильмы бесплатно



  • 14-09-2017, 12:30 |
  • 330