Мүлк ҳуқықын қорғаўға арналған нызам жойбары ислеп шығылды (жынаятшыға тийисли болмаған мүлк конфискацияланбайды)

 Ҳәрекетлер стратегиясында белгиленген ўазыйпалардан келип шығып, Өзбекистан Республикасы Әдиллик министрлиги тәрепинен жынаят ислеўде қатнаспаған шахстың жынаят қуралы сыпатында пайдаланылған мүлкти конфискациялаўды қадаған етиўге қаратылған нызам жойбары ислеп шығылды, деп хабар бермекте Әдиллик министрлигиниң рәсмий сайты.

Жойбарға тийкар, буннан былай тек ғана исленген жынаят қатнасыўшысы болған шахсқа тийисли жынаят қуралларын конфискациялаў керек болады.

Жойбарға муўапық, административлик ҳуқықбузарлықты ислеген шахстың жеке мүлки болмаған мүлкти конфискациялаў да қадаған етилмекте.

Бүгинги күни жынаят процессуал кодексиниң 211-статьясына муўапық жынаят қураллары, кимге тийисли екенинен бийғәрез, конфискацияланады ҳәм тийисли мекемелерге тапсырылады ямаса жоқ етиледи.

Усы қағыйдадан келип шығып, мүлк ийелери жынаят ислеўде қатнаспаған, қатнасыўшы, гүманланыўшы, айыпланыўшы, судланыўшы ямаса айыпкер болмағанынан бийғәрез, олардың мүлки болған жынаят қураллары конфискацияланады.

Сол себепли, ҳәзирги күни әмелиятта мал-мүлк ийелериниң исленген жынаятқа қатнасы болмағанлығы, мүлк ижараға берилгенлиги ямаса шөлкемниң хызметте пайдаланыўы керек болған мүлкинен жынаят ислеўде пайдаланылғанлығы сыяқлы жағдайлар есапқа алынбай, мүлк ийелери мүлк ҳуқықынан айрылмақта.

Усы мүнәсибет пенен, жойбар жеке мүлк кепилликлерин тәмийинлеўге ҳәм мүлк ҳуқықын қорғаўды күшейтиўге, атап айтқанда жынаят қатнасыўшысы болмаған шахслардың жынаят ислеўде пайдаланылған мал-мүлкти конфискациялаўдың алдын алыўға хызмет етеди.

Әдиллик министрлиги тәрепинен ислеп шығылған усы жойбар Ҳүкиметте мақулланып, ҳәзир Олий Мажлис Нызамшылық палатасында көрип шығылмақта.

«Өзбекистан Республикасының айырым нызам ҳүжжетлерине өзгерислер киритиў ҳаққында»ғы нызам жойбарына салыстырыў кестеси менен усы жерде танысыўыңыз мүмкин.

 

скачать dle 10.6фильмы бесплатно



  • 13-09-2017, 13:23 |
  • 197